Xalqimiz "Vatanni sevmoq — iymondandir", deb bekorga aytmagan. Vatanga sadoqat va muhabbat ham insonning iymonli ekanligini bildiradi. Inson ma’naviy olamining kuchi, qudrati uning Vatan oldidagi burchi, mas’uliyatini qanday anglab tushunishida ham namoyon bo‘ladi. Bizning tinchligimiz uchun xizmat qilayotgan, sarhadlarimizda tik turgan Vatan himoyachilariga tinch va osuda tunlar uchun rahmat aytaylik. Ulardagi vatanparvarlik tuyg'usi o'z jonlaridan ham azizroq.Vatan ozodligi, tinchligi va xavfsizligi himoyachilari esa mudom hurmat-e’tiborda. Chegarachilarimizga ham kattadan katta rahmat. Men ham ulg'ayib, tinchlik uchun xizmat qilaman.
"Kichkina shaxzoda"
Men sevib o'qigan asarlarimdan biri Antuan de Sent-Ekzyuperining "Kichkina shaxzoda" asari. Har bir o'quvchiga o'zgacha ta'sir qiluvchi bu kitob, juda chuqur ramziy ma'noga ega. Chiroyli ta'limotlar va iboralarga to'la qissa. Bu asar Ekzyuperining eng mashhur asari. Insoniyatga ko'zgu tutgan deya ta'rif qilsa bo'ladigan qissa, yolg'izlik, do'stlik, sevgi va yo'qotidh mavzulariga ega. Kitob bolalarga yozilgandek tuyulsa-da, hayotiy ma'no beradi. Masalan: "Avvaliga barcha kattalar bola edi, ko‘pchiligi buni eslay olmaydi."
"O‘zingizni to‘g‘ri baholay olsangiz, unda haqiqatdan donosiz."
Kitobdagi rasmlar ham yozuvchi tomonidan chizilgan. Ular ham mashhurlikda asardan kam emas albatta. Kichkina shaxzoda — barchamizning ichimizdagi beg'ubor bola ramzi. Kichkina shaxzoda o'z sarguzashtlari davomida kattalar yo'qotgan oddiy narsalarning qiymatini va qadrini ko'rsatib beradi. O'qiyotgan yoshingizga qaramay sizni to'liq o'ziga rom etadigan asar. Xulosa shuki, agar inson dunyoga bolalarcha yengil nazar bilan qarab yashasa, muamollar faqat miyyasidagina borligiga ishonadi.
