Адамдарға ғарышты игеру үшін :
1)Мықты техникалар керек, онсыз мүлдем бұл жоба іске аспайды.
2)Ғарышқа арналған техникаларды арнайы түрде меңгерген немесе жетік білетін мамандар қажет.
3)Ғарышқа ғарышкеме арқылы ұшатын ғарышкерлер керек. Ғарышкерлер арнайы дайындықтан өтеді. Мықты дайын болған адам ғана ұшуға рұқсат алады.
4)Ғарышты зерттеу қазіргі кезде қолдан келмей жатыр, себебі ол өте ауқымды, ал қазіргі техникаларымыз сол ғарыштың тек бір бөлігін игеруге ғана қауқарлы.
5)Ғарышты ғарышкерлерсіз де игеруге болады, яғни сол жаққа арнайы жасанды техникаларды жіберу арқылы. Ол техникалар жерде басқарылатын болады.
6)Ғарышта әр ел түрлі техникаларды апарып жатыр, бұл ғарышты зерттеуге көмегін тигізеді.
Кей адамдардың саяхаттауға деген құмарлығын айтып жеткізу мүмкін емес. Бұл адамдар саяхаттау үшін ғана жаралғандай. Жаңа, қызықты оқиғаларды бастан кешуді жаны қалап тұрады. Ал кейбір адамдар саяхатты дүниетаным кеңейтудің жолы деп емес, тек демалыс деп қана ұғады. Қалай десек те, екі топтағы адамдар да қаражаты мен күш-қуатын саяхатқа жұмсайды. Сіздің қай топқа жататыныңызды білмейміз, алайда саяхаттаудың басты себептерін атап бере аламыз.
1. Демалыс және күш-қуатты қалпына келтіру Күнделікті күйбең тіршіліктен бір мезет өзге кеңістікке көңіл жүгіртіп көріңізші, қаланың шуы мен дабылынан даланың дархан желі артық емес пе?! Таза ауа мен жасыл табиғат сізге серпін беріп, күш-қуат сыйлайды. Күнделікті мезі етер, шешімі қиын мәселелерден арылып, тыныш табиғатта тыныққанға не жетсін. Бірнеше күн саяхаттап, демалып көріңізші, сергіп қаласыз.
2. Ойын ойнау Өміріңіз тым бірқалыпты, тұрақты болуы да сізді жалықтырады. Сондықтан саяхаттау арқылы ішкі балалық белсенділігіңізді, балақай білімқорлығыңызды оятасыз. Әлемге, табиғатқа өзге талпыныспен, көзқараспен қарайсыз. Бала күніңізде жасамаған әрекетіңізге барып, ойнамаған ойыныңызды ойнап көріңіз. Мәселен, әткеншекте тербеліңіз, суда жүзіңіз.
3. Жаңа қабілеттерге ие боласыз Саяхаттау жаңа мәселелер мен міндеттерді алға қояды, бұл міндеттерді, мәселелерді шешу арқылы өзініңіздің қабілетіңіз бен мүмкіншілігіңізді арттырасыз.
4. Дүниетанымыңызды кеңейтесіз Сапар шегу арқылы сіз өзге мәдени әлемге, өзге адамдардың өміріне саяхаттайсыз. Жергілікті халықтың мәдениетіне, тұрмысына үңілесіз, мәнін іздейсіз. Сол арқылы әлемді тануда жаңа көзқарас қалыптастырасыз. Өз еліңізге келгенде санаңызда салыстыруға болатын дүниелер пайда болады. Бір ескерерлігі, салыстырып отырған ұғымдарыңыздың тарихы мен ауқымын назардан тыс қалдырмаңыз.
5. Ойлануға көп уақыт бөлесіз Саяхат жасау үшін тек алыс мекенге емес, қаланың шетіне барсаңыз да болады. Мәселен, тауға серуендеуге шығыңыз. Балық аулап көріңіз. Адам зейінін өзге нәрсеге бұрған кезде жаңа идеялар да қатар туады.
6.Табиғатпен оңаша қалу Біз көп уақытымызды жабық кеңістікте өткіземіз. Ал саяхат жасау сізді кең кеңістікке – табиғат ананың аялы алақанына алып шығады. Аймақтың кеңдігі кеудеңіз кеңеюіне де жол ашады. Табиғатпен оңаша қалу сізді терең ойларға жетелейді.
7. Жұмыс туралы ойлардан ада қылады Адамдардың көпшілігі «жұмыс-жұмыс» деп алаңдап, елеңдеп уақытын, күш-қайратын құртады. Жұмысқа аса берілу күйзеліске душар етеді. Саяхаттау кезінде жұмыс туралы ойдан алшақтап, өзіңізбен өзіңіз қалуға мүмкіншілік туады. Ал кейде жұмыс туралы ойламау арқылы жұмысқа қажетті идеяны табуға болады. Иә, бұл рас.