1941 жылдың 16 қарашасында неміс әскерлері 16 армияның тұсынан 2 танк және 1 жаяу әскер дивизияларын қолдана отырып, Волоколамсктің оңтүстігіндегі Рокоссовскийдің армиясының сол қапталына соққы жасады... Панфилов атындағы дивизияның кеңестік жиырма тоғыз гвардияшылар орналасқан жерге жаудың елуден астам танктері бет алды... Жалғыз біреуінің ғана жүйкесі сыр берді... Жалғыз өзі қолын жоғары көтерді... Бірнеше гвардияшылар еш дайындықсыз, еш бұйрық болмаса да сужүрек әрі сатқынға от жаудырды... ...Шайқас төрт сағаттан астам уақытқа жалғасты. Он төрт танктің жолы кесілген болатын. Осы сәтте Сержант Добробабин, жауынгер Шемякин, Конкин, Шадрин, Тимофеев пен Трофимовтер қаза болды. Қансыраған көздерімен Клочков жолдастарына қарады.
іне, Ұлы Отан соғысының жеңіспен аяқталғанына да 60 жыл өтті. Бұл сол кездегі кеңес халқының ержүректілігі мен төзімділіктерін паш ететін, тарихта мәңгілік қалатын күн. Бұл күнді соғыстың алғы шептерінде қайсарлықпен шайқас жүргізіп, ерліктің сан үлгісін көрсеткен ардагерлер тойлайды. Бұл мейрамды өздерінің тылдағы қажырлы еңбегімен жеңісті шыңдаған, станоктың қасынан, егін даласында, күні-түні мал бағып, тынымсыз жұмыс істеген жұмысшылар, ауыл адамдары тойлайды. Бұл мейрамды біздің аяулы да даңқты әйелдеріміз - өздерінің әкелерін, ерлерін, ұлдарын және сүйіктілерін көзінен жасы сорғалай жүріп төзімділікпен күткен, олардың орнын жоқтатпаған аналар мен жұбайлар, қалыңдықтар мен қыздар тойлайды. Бұл мейрамды өздерінің әкелері мен ағалары қанын төгіп, жанын қиып бақытты өмірін қамтамасыз еткен Ұлы жеңістің құрдастары тойлайды. Ұлы Жеңіс күні елі мен жері үшін жанын пида еткен, туған-туысқандарына, жақын-жарандарына, туған жеріне, ауылына оралмай қалған қаһарман ерлерді бүкіл елі болып еске түсіреді.
Бұл мейрамды бұрынғы кеңес одағына кірген 15 одақтас республика халқымен бірге, кеңес халқы неміс басқыншыларынан азат еткен Еуропа елдерінің Варшава мен Прага, Будапешт пен Бухарестің, София мен Белградтың, Париж бен Венаның, жер шарының басқа да көптеген қалаларының тұрғындары тойлайды.
Ұлы Отан соғысы халқымызға төнген ең ауыр күндер болды. Төрт жыл, 1418 күн мен түн бойы өз жері мен отаны үшін, келешек ұрпақ үшін жан қилы соғыс жүріп жатты.
Бір күшке жиналған орыс пен тәжік, грузин мен белорус, қазақ пен украин қарсы алдындағы жауға алмас қамал болып жұмылды...