Менің сүйікті қалам
Алматы - менің сүйікті қалам. Не себепті деп сұрасаңыз, Алматы - Алатау бөктерінде орналасқан ғажайып, әсем қала. Алматыда ауаның өзі ерекше таза болып көрінеді. Оның көркіне көз тоймайды. Тамаша табиғаты аспанмен таласқан заңғар тауларымен, сарқырап аққан өзен-суларымен, көк майса, жасыл желегімен, апорт алмасымен ерекше. Ал жылдан жылға саны артып жатқан зәулім ғимараттардың құрылысы мен көркін сөзбен айтып жеткізу мүмкін емес.
Алматының басты көрікті орындары - Медеу мұзайдыны, Шымбұлақ курорты, Көктөбе. Халық демалу үшін жиі баратын Көктөбеден Алматы алақандағыдай көрінеді. Ол жерден қаланың ғаламат көрінісін, ерекше сәулетін тамашалай аласыз.
Сонымен қатар, Алматыда Тұңғыш Президент саябағы, орталық цирк, Горький саябағы, орталық мұражай, Әуезов атындағы театр, Абай атындағы опера және балет театры сынды мәдениет орындары - халық көп баратын орындар бар.
Алматы Қазақстанның мәдени астанасы болып есептеледі.
ер азамат – елдің тұтқасын ұстайтын тұлға, отаны мен отбасының қорғаны. осы орайда нағыз жігітте болар қасиеттерді
қиялшылдық
жігіттің бойындағы ең бағаланатын қасиет оның қиялшылдығы. бұл дегеніңіз өз сезімдері мен эмоциясын шығара білу қасиеті боп саналады. бойжеткен жігіттің шын жүректен жасалған күтпеген тосын сыйын ерекше жақсы көреді.
әзілдесе білу
қандай жағдай болмасын қыздың көңілін көтере біліңіз. оның бөтен ойларға берілмеуін қадағалаңыз. мүмкіндігінше жұмсақ әзілдесіп, жүрегіне жол табыңыз.
жақсы әзіл – кез келген келеңсіз жағдайды өз пайдасына шешу жолы. қыздар іш пыстырарлық жігіттерді онша ұната бермейді. егер қызбен бірінші рет жолығатын болсаңыз осыны есте ұстағаныңыз жөн.
сенім
жігіттің өзіне деген сенімділігі қыздың жүрегін жаулап алудың бірінші жолы. жігіттер секілді қыздар да олардың сенімді болғанын қалайды. сенім бар жерде махаббат бар.
берік сенім – ертеңгі махаббаттың, отбасылық өмірдің бастауы. қыздар өзін жігіттің жанында еш қауіпсіз сезінгісі келеді.
адалдық
қалай болғанда да адалдықтан артығы жоқ. қай жігіт, қай қыз өз серігінің адал болғанын қаламасын? ! адалдықтың арғы жағында, ең түбінде шынайы сыйластық, мөлдір сезім жатады. сөзіңізбен емес, оны ісіңізбен дәлелдеңіз.
қызықты әңгіме айта білу
үнемі футбол жайлы, автокөлік жайлы және бітпейтін әзіл әңгімелер қызды жалықтырып жіберуі мүмкін. қызықты тақырыпта әңгіме айта біліңіз.
мысалы: саяхаттар, әйгілі тұлғалар жайлы. әйтсе де, қыздың ыңғайына қарай әңгіме қозғаңыз. ол неге қызығушылық танытады, әңгімеңіз сол жайында болсын.
жомарттық
әңгіме ақша жайында болса оны жұмсау туралы ой қозғаңыз. қаражатты қайырымды істерге, пайдалы нәрсеге жұмсау керектігін айтыңыз. жігіттің жомарттығы - жақсы қасиет.
ер жігіт қашанда өз-өзін асырай білу керек. керек жағдайда орынды іске қаражатты аямай жұмсаса қыздың да сізге деген ойы өзгереді.
әдемі киіне білу
жігіттің сымбатты болуы, оның сәнді киінуі әрқашан бойжеткендердің назарында. сәнді киіну-киінбеу емес, мәселе сіздің қаншалықты ұқыпты киінетініңізде.
жараспайтын киім кию - жігітке жат. жігіттің іші ғана емес, сырты да сымбатты болуы қажет. киген киіміңіздің тазалығына, қонымдылығына және жинақылығына мән беріңіз.