Біріншіден тіл үйренуді балабақшада дұрыс жолға қою керек.
Екіншіден, үйренген тілді дамытатын орта қажет. Біз мектепте үйренген тілді көшеде өз замандастарымызбен бірге жүргенде тереңдете түстік. Сөйтіп,, қазақ тілінің қолданыс аясын кеңейттік. Егер ондай жағдай болмағанда, үйренген тілді ұмытып қалуымыз да мүмкін еді. Менің үйренген тілді дамытатын орта керек дегенім сондықтан.
Үшіншіден, қазір қазақ тілін үйрену жөнінде әртүрлі әңгімелер айтылып қалады. Әсіресе әдістеме, көрнекіліктер жоқ деген сөзді жиі естиміз. Шынына келсек, бұл сылтау ғана. Ұмтылған адамға, ізденген талапкерге мүмкіндік бар. Айталық, ағылшын, түрік тілін үйрету әдістемелерін қолдана отырып жасаған дүниелер аз емес. Тек соны тиімді пайдалану керек.
Бір сыныпта оқыған оқушылардың бәрі бірдей қазақ тілін неге меңгермейді деген сұраққа, оның бәрі ата-анаға байланысты деп ойлаймын. Ұрпағының Отанға деген сүйіспеншілігін тудыра алмаса еліне деген патриоттық сезімін оятпаса, ол баланың мемлекеттік тілді білуге ынтасы арта ма? Сондықтан да біз тіл үйретуді тәрбиемен ұштастыру білуіміз керек. Қазақстандағы өзге ұлт өкілдері өздеріне бар мүмкіншілікті жасап, барлық ұлтқа тең дәрежеде қарап отырған жұрттың Ата Заңда мемлекеттік мәртебеге ие болған тілін біліп, құрметтеуге тиіс деп ойлаймын.
Әлемде Наурыз мейрамы қалай тойланады?
Бұл көне мереке Наурыздың тарихына көз салсақ, әлем халықтарының басым бөлігі аталмыш мейрамды әлі күнге дейін тойлап келеді.
Бұл көне мереке Наурыздың тарихына көз салсақ, әлем халықтарының басым бөлігі аталмыш мейрамды әлі күнге дейін тойлап келеді. Бұл мейрам көбінесе Наурыз, Невруз, Навруз, Новруз Байрам деп атаса, ал тәжіктер “гүл гардон”, “бәйшешек”, “гүлнаурыз”, татарлар “нардуган”, буряттар “сагаан сара”, ежелгі гректер “патрих”, бирмалықтар “су мейрамы”, чуваштар “норис ояхе”, тәжіктер “гүл гардон”, “бәйшешек”, “гүлнаурыз”, хорезмдіктер “наусарджи” деп түрліше атайды.
Наурыз сөзі “Жаңа күн” деген мағына береді. Мейрам кезінде тазалыққа мән беріліп, мерекелік “Наурыз көже” дайындалады. Көже – еліміздің әр өңірінде әр түрлі жеті түрлі дәмнен жасалатынын да байқауға болады. Наурыз мейрамында бір-біріне қонақ болып, тойлап арқа-жарқа болып жатады. Ал, енді әлем елдерінде Наурыз қалай тойланады? Қысқаша тоқталып өтейік...
Әзірбайжан
Әзірбайжанда Наурыз мейрамы – күн мен түннің теңескен күні ретінде аталып өтеді. Ел тұрғындары бұл мейрамды қатты ұнатады. Мереке күні ас дайындайды, адамдар бір-біріне бақыт пен молшылық тілейді. Дәстүр бойынша «тонгал» деп аталатын от жағып, одан жеті рет секіретін болған. Мерекелік дастарханны басты тағамы шекербура дайындалады. Ол - Ай пішіндес қамырдан жасалған тәтті тағам. Ал, өсіп тұрған жасыл бидай сабақтары “Күн символын” білдіреді. Бидай қуырылып, жұмыртқалар қызылға боялады. Әзірбайжан халқында Наурыз күні жаңбыр жауса, “келер жыл өте жақсы, берекетті” болады деген сенім қалыптасқан.