Адамның өз Отаны жөніндегі ыстық ұғымы әрдайым оның кіндік кескен, ананың ақ сүтін емген, өскен жеріне байланысты. Отан, міне, осылардан басталады. Бала күнінен етене таныс туған жер көріністері адамның есінен ешуақытта кетпейді, көз алдында тұрады. Кеудеңде жаның тұрғанда оны ешкімге беруге болмайды. Туған табиғаттың сұлулығын, адам ісінің адалдығын сезінбейінше, азаматтық сезім бола бермейді.
Отанды сүю ұғымы туған табиғатқа, отбасына, мектепке, достарына, кітапқа, суретшілер шығармаларына, өз ісіне, біздің халықтың мүддесін өтеп отырған тамаша және ұлы игіліктің бәріне деген сүйіспеншілікті қамтиды. Отанды сүюге тәрбиелеу деген сөз бұл балалардың патриоттық сезімін тәрбиелеу дегенге саяды. Патриотизмді тәрбиелеу ісінде ұсақ-түйек болмайды. Біздер ағаштарға, гүлдерге, үй-ішінің тыныштығына деген талпынысымызды балаға дарытпай тұрып, Отанға деген сүйіспеншілікті тәрбиелей алмаймыз. Айналасындағы адамдарды - құрбы-құрдастарын, үлкендерді құрметтеуді тәрбиелемес бұрын, халыққа деген сүйіспеншілікті тәрбиелеу мүмкін емес.
Тәуелсіздік – бабалар аңсауы, ұрпақтың қолы жеткен киелі кезең. Тәуелсіздік – таңбасы таста, қаны қара жердің тамырында жатқан құдіретті сөз.
Еліміз тәуелсіздіктің бесігінде тербелгелі 25 жыл. Жиырма бес жыл ішінде Қазақстан етек-жеңін жиып, шекарасын бекітіп, өз алдына дербес зайырлы ел болды. Бұл атадан келе жатқан ұлы жеңістің жемісі. 1991 жылы 16 желтоқсанда егемендігін алған еліміздің өз президенті, ұлты мен ұлысы, салты мен дәстүрі, мәдениеті мен экономикасы болды. Желтоқсанның желі мен ызғарына қарсы тұрған жастардың жалынды рухы мен ерліктерінің арқасында шаңырағы биік, керегесі кең мемлекет болып қалыптастық.
Наурыз – менің ең сүйікті мейрамым
Бұл мерекені қазір дүниежүзіндегі мұсылман бауырларымыз атап өтетіндігін біз жақсы білеміз. Қазақстанда да ол 1988 жылдан бастап қолға алынды. Сөйтіп, қайта жаңғырып, жандана түсті. Шығыс халқында ол жыл басы болып саналады. Жұртшылық алдағы барлық үміттері мен жақсылықтарды осы мерекемен байланыстырады.
Өзім осы Қостанай жерінде туып өстім. Жоғары білім алдым, ғұмырлық серігімді тауып, отбасын құрдым. Сүйікті жар, аяулы ана атандым. Олеся есімді қызымыз да туған жерін мақтаныш етеді.
Қазақстан мұндағы барлық ұлт пен ұлыстардың жан-жақты дамуына, білім алып, қызметте шыңдалулары үшін де барлық жағдайды жасады. Сондай шапағатты көрген жанның бірі өзіммін. Сонау бір жылдары Қостанай мемлекеттік педагогикалық институтының шет тілдері факультетін бітіріп, еңбек жолымды бір ауданда қатардағы мұғалімдіктен бастаған едім. Бұл күндері облыстық мәдениет басқармасының бастығы дәрежесіне дейін көтерілдім.
Наурыз мерекесінің танымдық-тағылымдық жағы өте мол. Адамдардың нағыз шынайы пейілі, бір-біріне деген сыйластығы осы кезде айқын сезіледі. Бұдан барша туыстас ұлт өкілдері де көп жайды көңілге түйеді деген сенімдемін.
Өзім облыстағы мәдениет басқармасын басқарғандықтан осынау ұлы мейрамда Қостанай шаһарының орталығына жиналған халыққа мерекелік көңіл-күй сыйлау үшін түрлі концерттік бағдарламалар ұйымдастырамыз. Мұндай іс-шаралар барлық қалалар мен аудандарда да өтеді.
Әңгіменің орайы келгенде барша республика жұртшылығын Наурыз мейрамымен шын жүректен құттықтаймын.