Менің алтын балыққа айтар тілектерім тым қарапайым болар еді.
Бірінші тілегім: Өмірде қыз баланың ең маңызды міндеті – тұрмыс құрып, ана болу.
Екінші тілегім: Құрған шаңырағымның керегесін кеңейту, үлгілі отбасы болу.
Үшінші тілегім: Ата-анамды қадірлеп, аялай білсем деймін. Әке-шешемнің ата-әже атанып, немересінің қызығына тоймай отырғанын көргім келеді. Сондай-ақ, туған-туыс, бауырларыма да көмектескім келеді.
Жұмысымның алға басып, алдағы уақытта диссертация қорғап, шәкірт тәрбиелеуді де армандаймын. Адамның арман-тілегі көп қой! Оның бәрін айта берсем, менің ұстап алған алтын балығым «мына қыздың тілегі таусылмайды екен» деп қашып кетер.
Алтын ұя – мектебім шағын шығарма
«Білім кілті – мектепте» демекші, мектеп – біздің екінші үйіміз. Менің есімде алғаш ұстазымның үнемі айтып отыратын сөздері қалыпты: «Тарыдай болып кіресің, таудай болып шығасың» деп мектеп жайлы өте орынды айтылған деп ойлаймын. Мектеп – бізді есейіп, ер жеткенше білім нәрімен сусындататын білім ордасы, үлкен ғалым – академиктер, саясаткерлер, қаржыгерлер, табысты кәсіпкерлер және де тағы басқа мамандық иелерінің барлығы мектеп қабырғасында білім алып, оны ары қарай шыңдай білген.
Мен қаламыздағы іргелі оқу орындарының бірі - №8 қазақ гимназиясында оқитынымды мақтан етемін, елімізге белгілі тұлғалар осы мектепте білім алған, болашақта мен де сол кісілер сияқты білімімнің арқасында биік шыңдардан көрінгім келеді.
Мектебімізге келер болсақ, биыл мектептің жетпіс жылдық мерейтойы қарсаңында күрделі жөндеу жұмыстары жүргізілген болатын.
Мектепте өткен әрбір күнім шаттыққа толы десе, артық айтпаспын. Мұғалім -біздің екінші анамыз, ал сыныптас достарым өз бауырларым секілді.
Биыл мектептің мерейтойына байланысты қала деңгейінде түрлі мерекелік әрі оқу – әдістемелік іс – шаралар жоспарланып отыр, сол шаралардың сәтті өтуіне барлығымыз түгелдей атсалысудамыз.