Жер шарындағы кез келген адамның Отаны, туған жері болады. Туған елге деген, жерге деген ыстық махаббат әр адам жүрегін тербейді, жүрегінде өмір бойы сақталады. Еліміздің бейбіт өмір сүруін халық тілейді, армандайды. Қазақстан Республикасы – бүгінгі таңда егемен тәуелсіз мемлекет. Халқымыздың тәуелсіздік жолындағы бастан кешкен қиындықтары мен ашаршылық жылдары әлі де ұмытылмай, жүрегімізге дақ түскендей. Халықты аман сақтап, елін қорғап, ақтық демі қалғанша Отан үшін майданда көкірегіндегі қанын аямай , ұзақ жылдар бойы күтіп, аңсаған тәуелсіздік туын желбіреткен қазақ батырлары мәңгі ел есінде.
Соғыс жылдары қазақ халқын әлсіретіп, салт-дәстүрін жойып, халық санын едәуір азайтты. Бірақ кейіннен қазақ елін төрлеткен Ұлы Жеңіс күні әр қазақ азаматының жүрегіне жаңадан қуат берген, нұр берген. Халық сенімін ақтаған, сонау заманда әр жүректе кішкентай болсын үміт отын жандырған қазақ батырлардың рухын өмір бойы сыйлап өтеміз. Ел оларға үміт артқан, сенім артқан. Ол сенімді жерге тастамай, үміттерін ақтай білген.
Ана тілі дегеніміз – сол тілді жасаған, жасап келе жатқан халықтың өткені, бүгінгісі, болашағы. Қазақ тілі өзінің даласындай бай. Қазақ сөзі қашанда даланың қоңыр желіндей аңқылдап, еркін есіп тұрады. Қазақ тілі қасиетті Қазақ домбырасының үнімен үндесіп жатады. Ана тілі – бұл әкенің тілі, туған халықтың тілі. Ана тілін біз кішкентай кезімізден әке-шешемізден, әжеміз бен атамыздан біле бастаймыз. Ана сүтіндей бойымызға біртіндеп сіңеді. Халықтың тәуелсіздігінің ең басты белгісі – оның ана тілі, ұлттық мәдениеті. Өзінің ана тілі, ұлттық мәдениеті жоқ ел өз алдына мемлекет болып өмір сүре алмайды. Дүниедегі барлық халық тәуелсіздікке ұлттық қадыр-қасиетін, мәдениетін, ана тілін сақтап қалу үшін ұмтылады. Сондықтан кез келген мемлекет өзінің аумағында салт-дәстүрін, ана тілін айрықша қорғайды. Еліміз Қазақстан Республикасы егемен ел атанды. Ана тілімізге мемлекеттік мәртебе берілді. Тіл туралы заң қабылданды. Президентіміздің 2003 жылғы 15 қарашадағы жарлығымен қыркүйектің үшінші жексенбісі Қазақстан Республикасы халықтары тілдерінің күні ретінде атап өтілетін болды. Тіл адамдар арасындағы қатынас құралы, өйткені адамдар қоғамдық өмірде бір-бірімен тіл арқылы сөйлеседі, пікір алмасады, ойын жеткізеді. Тіл арқылы біз оқып, білім аламыз, қалаған мамандықты игереміз. Тіл арқылы даналар сөзін оқып білеміз, одан ғибрат аламыз. “Өнер алды – қызыл тіл” деген осыдан шыққан болар.
Соғыс жылдары қазақ халқын әлсіретіп, салт-дәстүрін жойып, халық санын едәуір азайтты. Бірақ кейіннен қазақ елін төрлеткен Ұлы Жеңіс күні әр қазақ азаматының жүрегіне жаңадан қуат берген, нұр берген. Халық сенімін ақтаған, сонау заманда әр жүректе кішкентай болсын үміт отын жандырған қазақ батырлардың рухын өмір бойы сыйлап өтеміз. Ел оларға үміт артқан, сенім артқан. Ол сенімді жерге тастамай, үміттерін ақтай білген.