Елбасы Н.Ә.Назарбаев өз тәуелсіздігімізді көздің қарашығындай сақтау арқылы Мәңгілік ел бола алатынымызды атап өткені белгілі. Ұлы даланың қас перзенті – қазақ халқының азаттық жолындағы қасиетті күресінің асыл шежіресі, сол жолда елін бастап, ту көтерген бабаларымыздың өшпес есімдері біз үшін қашанда қасиетті. Өйткені асыл шежірені, ардақты есімдерді ұрпағымыздың ұлттық мақтанышына айналдыру біздің кезек күттірмес парызымыз.
Елбасы Н.Ә.Назарбаев атап айтқандай, «Мәңгілік Ел» болу идеясына үлес қосу әркімнің өз қолында. Бұл үшін Қазақстанның әр азаматы өзін өзі үнемі қамшылап, үнемі алға ұмтылуы керек. Байлығымыз да, бақытымыз да болған Мәңгілік Тәуелсіздігімізді көздің қарашығындай сақтай білуіміз керек. Өйткені «Тәуелсіздікке қол жеткізгеннен гөрі оны ұстап тұру әлдеқайда қиын». Олай болса, Елбасының «Мәңгілік ел» идеясы барша қазақстандықтарды бір мақсатқа, ортақ мүддеге жұмылдыратын ұранға айналуы тиіс. «Мәңгілік елдің» өміршеңдігі соншалықты, қазіргі кезде де өз жалғасын тауып, Мөде, Бумын, Білге, Күлтегін сияқты қағандарымыздың ісін мұра ретінде қабылдаған Елбасымыз осы идеяны өз отандастарына жария етіп, қазақстандықтарға үлкен сенім артып отыр. Қазақстан Республикасы Президенті Н.Ә.Назарбаев «Қазақстан жаңа жаһандық нақты ахуалда: өсім, реформалар, даму» атты Жолдауында: «Ел тәуелсіздігі, ұлт мұраты, ұрпақ болашағы сияқты ұлы құндылықтар ғана мәңгі», — деген тұжырымы біздің елімізге өз үлесімізді қосуға міндеттейді.
Қорыта айтқанда, бүгінгі қазақ елінің ұлттық идеясы «Мәңгілік Ел» ұғымы сонау көне тарихтан бері ұлттық рухтың тарихи бейнесіне, ұлттық идеяның ұранына айналған «Алаш», «Қазақ» идеясының мұрагері болып табылады.
Қырықбай Күләш Мұхатайқызы
1. Оқылым мәтінінің мазмұнын ашатындай қандай тақырып қоюға болады? Неліктен? [2]
2. Мәтіннің жанры қандай? Не себепті? [2]
3. Мәтіннің стилі қандай? Не себепті? [2]
4. Мәңгілік елдің өміршеңдегі туралы қай бөлікте жазылғандығын табыңыз [1]
5. Мәтін ішінен жалқы есімдерді табыңыз (кемінде 3 сөз) [1]
6. Оқылым мәтінен дыбыс саны мен әріп санында өзгешелігі бар сөздерді теріп жазыңыз.( кемінде 3 сөз) [1]
7. Төменде берілген сөздерді морфологиялық принцип бойынша жазыңыз
Қазақстан, мүдде, халқына, насихаттау, үлкен. [1]
