Қазіргі кезде қоршаған ортаны қорғаумен ешкім айналыспайтын болғаны ма? Ертеде әсем табиғат, таза ауа, қоршаған қандай әдемі еді. Қалың орман, айдын көл, көк шалғын шөп неткен тамаша еді. Қайран туған жер, өзіңе оралу мен үшін қандай бақыт. Дегенмен, бұрынғы айдын көлің, әсем гүлдерің, таза ауа бәрі-бәрі қайда кеткен. Айдын көліңе жұп-жұбымызбен келіп өзіңе аман сау жеткенімізге қуанып, мәз болушы едік. Біздің келгенімізге өзің қуанушы едің, келдіңдерме әсем аққуларым, сендерсіз мен жетімсіреп тұрмын деп, құшағыңа алушы едің, қайран туған жер, айдын көл.
Қазақ халқының салтында үлкенді сыйлау әдептіліктің бір үлгісі болып табылады. Ата-ананы сыйлау, оларды қадірлеу, ізет көрсету адамның ең қастерлі қасиеттерінің бірі. Кіші үлкенді сыйласа, үлкендер де өз тарапынан оған лайық ықылас білдірген. Содан барып үлкен мен кіші арасында жарасымды қарым-қатынас орнаған. Ол әдетке айналып әдептілік ережелерін тудырған. Үлкендер отырған жерде сөз жарыстырмай, ізет көрсете білу, көңілге қарай сөз айту, қажет кезде өзіңді ұстай білу халық дәстүрінде қалыптасқан қасиеттер.
Әдептілік адам бойында бірден қалыптаспайды. Ол - біршама жылдардың, қоршаған ортаның, жақсы тәрбиенің жемісі. Ата-ана өз балалары үшін тәртіптілік пен сыпайылықтың, жарасымдылықтың, қамқорлықтың үлгісі, отбасындағы тәрбие құдіреті осында.
Адамдар арасындағы қарым-қатынас әдептілікке негізделсе, жан-жағына жылуын шашады, әдепсіз болса қапаландырады.