Қазақ отбасы, негізінен үш ұрпақтан тұрады.Ол ата және әже,әке және ана,бала. Аталар мен әжелер отбасының ең құрметті адамдары.Олар әрқашан да мәртебесі биік болып,сый құрметке бөленге.Өйткені үлкенді сыйлау,оның ақылын тыңдау қазақ халқының ең қымбат салты.
Аталар мен әжелер немерелеріне ертегі,қызық әңгіме,әртүрлі жырлар айтып береді.Ата мен әже отбасының ең бірінші ақылшысы деп есептеледі.
Әке отбасының басшысы,асыаушысы,қамқоршысы.Әкені ана балалар да құрметтейді,сыйлайды.Бала әкені ренжітпес үшін тәртіпті,еңбекқор,білімді,ұқыпты болұға тырысады.Ана әкені сыйлау арқылы балаларға үлгі көрсетеді.Ананың осы үлгісімен бала әкесін де,үлкендерді де сыйлап тәрбиелі болып өседі.
Ана отбасының беріктігін сақтаушы.Ана отбасы мүшелерінің сыйластығын орнатады, ағайын мен туған туыстырдың қарым қатынасын сақтайды.Ана отбасындағы татулық ұйытқысы.
Отбасының ең үлкен байлығы бала."Әкеге қарап ұл өсер,шешеге қапар қыз өсер"дейді қазақ халқы.Әке мен шешенің жақсы үлгісі балаға тәрбие болып табылады.Қазақ отбасындағы тәрбиенің ең бірінші ережесі әкеін сыйлау,анасын құрметтеу.Бұл балағы берілетін ең бірінші баға.Ата анасын сыйлап өскен бала өзгелерді де құрметтеуге үйренеді.Сондықтан қазақ отбасы балаларын әдептілікке,мейірімділікке,адалдыққа,сыпайылыққа баулыған.
Осыдан 3негізгі және 3 қосымша ақпарат тауып берініздерші өтініш
Ата-ананың қадірін білмеген - халық қадірін білмес.
Халқымыздың байырғы ұғымында баланың анасы алдындағы парызын өтеуі ана сүтін ақтау деп аталады. Ана баланы тоғыз ай көтеріп, толғатып, дүниеге келтіріп қана қоймайды. Өмір есігін жаңа ашқан нәрестенің бойына туған елінің рухын сіңіретін, балбыратып уататын тұңғыш тәтті сазы, жылауын қойғызатын ән өлеңі де сол ғазиз ана бесікке сүйеніп отырып, емірене айтатын бесік жыры. Ал нәресте өмірінің нәрі – Ана сүті.
Ана – отбасының негізгі діңгегі, бастапқы дәнекері. Дәстүрлі қазақ отбасында ата-ананың қадірі ерекше әспеттелген. Әсіресе, тіршіліктің қайнар көзі, махаббаттың шуақ күні, мейірімнің кәусәр бұлағы – Ана есіміне қатыссыз дүниеде қасиетті ештеңе жоқ. Сондықтан ананы ардақтамайтын халық та жоқ. Оның жөнін халық: «Ана сүтін Анаңды Меккеге үш рет арқалап апарып келсең де, өтей алмайсың»,- деп түсіндіреді.
Теңіздей тербелген өмір толқындарынан баласын аман алып қалу үшін барын салады. Сондай зор махаббатпен өсірген өрені қартайған шағында мейірімге бөлер ме екен? Баласының болашағы үшін бар өмірін арнаған ата-анасы қартайып аз ғана көрер жарығы қалғанда оны сүйіспеншілік пен мейірімге бөлей алмаған адамның адамгершілігі бар деп айту қиын. «Ата-анаңның қадірін балалы болғанда білерсің» деп бабаларымыз жырлағандай «ата-анаға не істесең, алдыңнан сол шығады». Анаңды құрметтемесең, анадан несін туасың? Адамды құрметтемесең, адамнан несін туасың? – деп жырлаған екен халқымыз. Қандай өркениетте болсын, қандай ұлттарда болсын ата-анаға деген құрмет ешқашанда өзінің құндылығын жоғалтқан емес, ата-анаға ең биік орын беріп ерекше бағалайды. Ұл-қызымыз ұлағаттылықты ұстанып, инабаттылыққа ұмтылып, арын кірлетпей, кіршіксіз таза ұстап, ата-ананың алдында адалдығынан ажырамай өмір сүрсе, аналар да жыламас еді, жетімдердің де көзі жәутеңдемес еді.
Перзент – ата-ана еккен ағаштың жайқалған жасыл жапырақтары, әке мен шешенің өз қолдарымен мәпелеп өсірген ағаштың көптен күткен жемісі. Алғашында ата-ана перзент панасы болса, кейін керісінше әр перзент ата-ананың панасы болуы оның пенделік, перзенттік парызы. Қызын қуыршақтай, ұлын құлыншақтай қылып алақанында аялап өсірген жемісінің дәмін тату, бейнетінің зейнетін көру – әр адамның арманы. «Балаң жақсы болса, жердің үсті жақсы, балаң жаман болса, жердің асты жақсы» депті бағзы бабаларымыз. Ата-анасының қадіріне бармаған бала құдды құрт түсіп, шіріген жеміс іспетті. Бала емес, бәле өсіргенін кейіннен түсіну – көңілдің күйікті күйініші, өзекті өртейтін өмірдегі өкініші.