Мен өмірді сүйемін.
Менің өмірге деген көзқарасым оң әрі жарқын. Мен өмірді сүйемін. Ал сүйіспеншілік - тіршіліктің негізі. Өмірді сүйетін адамдар бақытты, әрі жан - жағындағы адамдармен осы бақытымен бөліскісі келіп, ешкімге жамандық ойламайды.
Мұндай көңілі көктем, жайсаң жандар осы бақытымен барша әлеммен бөліскісі келіп, алып – ұшып тұрады. Осындай асыл жандар тек жақсылық ойлап, игі істермен айналысып, айналасына мейірімін төгіп, көңіл нұрымен шуақтандырып тұрады. Жүрегі сүйіспеншілікке толы жандар жанымызды жылытып, өмірімізге сән береді.
Сонымен қатар менің армандарым да көп. Мен өз болашағымды жарқын етіп елестетемін. Мектепті ойдағыдай тәмамдап, қалаған мамандығымның иесі болғым келеді.
Менің ойымша, адамның өмірге деген көзқарасының оң немесе теріс болуы ең алдымен отбасы мен ондағы жағдайға байланысты, себебі адам шыр етіп дүние есігін ашқаннан кейін сүйіспеншілікті ең алдымен ата - анасының аялы алақанынан сезінеді. Әрбір отбасы қоғамның бір бөлшегі, шағын Отан. Отбасы – әрқайсымыз үшін сүйіспеншілік, сыйластық, жарастық, татулық орнаған қасиетті мекен. Осы кішігірім «Отанымызда» бойымызға дарыған тәлім – тәрбие, елімізге, жерімізге деген сүйіспеншілік, ар – намыс қағидалары өмір бойы бізді жетелеп жүреді.
Интернет
Қазір ғылым мен техниканың дамыған заманында біздің күнделікті өмірімізді Интернетсіз елестету мүмкін емес.
Мысалға, қай жерде қандай нәрсе сатылатын үйден шықпай - ақ қарап, тіпті сатып та алуға болады.
Бос уақытымызда өлең тыңдап, кино көрсек те - оның бәрі Интернетте бар.
Тіпті сабаққа қажетті материалды Интернеттен тауып, бағамызды да осы жерде электронды журналдан көре аламыз.
Мен үшін Интернеттің ең маңызды жағы - ол алыс шетелдегі дос - бауырлармен Интернет арқылы сөйлесу мүмкіндігі, небәрі бір отыз жыл бұрын мұны елестету қиын болса, ал қазір бұл - техниканың жетістігі.
Кей кездері, бұрын адамдар Интернетсіз қалай өмір сүрген деп таң қаламын?
*-* what it is?! *-*!!?