Тапсырма: 1. Мәтінді мұқият оқып, тапсырмаларды орындаңыз.
Внимательно прочтите текст и выполните задания
«Еңбекпен келген нан тәтті» деген сөздің мағынасы өте үлкен.Қазіргі кезде ата-ананың алдында балалардың негізгі атқаратын еңбегі – сабақ оқу, мектепте, үйде қолғабыс жасау және уақытын тиімді пайдалану.Баланың ата-анасына тигізетін пайдасы – осылар болып есептеледі.
Мен қарапайым жұмыскер агрономмын.Жақында өз кәсібімді ашқым келеді.Ол кәсіп жылыжай ашып, жеміс-жидек өсірсем деп ойлаймын.Ол үшін осы саланы жетік меңгерген іскер, сенімді әрі кәсіпқой мамандарды жұмысқа тартсам, қажетті құрал- жабдықты сатып алып, мамандарға жоғары еңбекақы төлесем деген жоспарым бар. Ауыл шаруашылық өнімдерін өтімді игеріп, өнімдеріміз туралы жарнама дайындаймын.Жарнама дайындау балаларымның міндеті болады. Жұмысымыз оңға басса, әлі-ақ сый-құрметке ие болып, еңбегіміздің зейнетін көреміз.
1. Мәтіннің жанрын анықтаңыз. Определите жанр текста.
А) мақала В) әңгіме С) сұхбат Д) очерк
2. Мәтіннің жанрға қатысты ерекшелігін анықтаңыз. Определите специфику текста применительно к жанру
3. Мәтіннен 3 шартты рай формасындағы етістіктерді жазыңыз
Выпишите из текста 3 глагола в форме шартты рай (в форме условного наклонения глагола).
Жеңіске 75 жыл.
Жеңіс күні – сан мыңдаған ұрпақ үшін ұлы мереке. Биыл адамзат тарихындағы ең сұрапыл, жойқын соғыс - Ұлы Отан соғысы аяқталғанына 75 жыл толды. Бұл сол кездегі кеңес халқының ержүректілігі мен төзімділіктерін паш ететін, тарихта мәңгілік қалатын күн. Бұл мереке – бейбітшілік пен қайырымдылықтың мәңгі жасампаздығын, Отанын қорғаған жауынгер-солдаттар мен офицерлердің айбыны, тылдағы Жеңісті жақындатқан жұмысшылардың ерлік еңбектерінің мәңгі өшпейтіндігін дәлелдейтін белгі болып қалмақ.
Жеңіс күні – абыройымыз бен даңқымыздың мерекесі. Табандылық пен ерлік, Отанға деген сүйіспеншілік қатал соғыста Жеңіске жеткізді. Бұл күнді тек соғыс майданында ұрысқа қатысқан ардагерлер ғана емес, сонымен қатар майданға керекті оқ -дәрі мен азық-түлік жеткізуші тыл ардагерлері де тойлайды. Бірақ жыл өткен болашақ ұрпақтың бейбіт заманда өмір сүруіне бар үлестерін қосып, Отан үшін жас өмірлерін қыршыңнан қиюға дайын болған ардагерлеріміздің қатары сиреп келеді, әрине, бұл жайт көңілге қаяу салады. Дегенмен уақыт өз дегенін алары хақ.
Ешқашанда жауынгер ерлігі мен жеңісті еңбегімен соққан еңбекшінің ерен ерліктері ұмытылмайды. Тәуелсіз Қазақстанымыз аспаны әрқашан ашық болсын! Жұдырықтай жұмылған, білектей біріккен кеңпейіл Қазақ елі жасасын!