Берілген сөздерді қатыстырып, сөйлемдер құрастыру.
Біз қаланың орталығында төрт бөлмелі пәтерде тұрамыз.
Біздер бұл мерекелік іс – шараға белсенді қатысатын боламыз.
Ауылдастарым – түгелдей жақсы адамдар.
Заман күн өткен сайын өзгеруде.
Кеше кешкісін отбасымызбен орталық саябақта біраз серуендеп қайттық.
Жазда әдетте атам мен әжеме көмектесу үшін ауылға барамын.
Өткен айда мектепаралық спорт жарысына қатысып, облыстық жарысқа жолдама алдым.
Демалыс күні анам екеуміз дүкенге барып, керекті азық – түлікті алып қайттық.
Былтыр ағам мектеп бітіріп, арман қуып, Алматы қаласына оқуға түскен болатын.
Туған ауылда ауаның өзі өзгеше болатын секілді.
Қонақта отырғанымда телефоным шырылдай берген соң, дауысын өшіріп қойдым.
Саяхатта өңіріміздің өсімдіктер дүниесімен танысып қайттық.
Сабақта тыныштық пен тәртіп сақтау керек.
Жағажай жайлы шағын шығарма.
Биылғы жазғы демалысымды өте қызықты, әрі денсаулыққа пайдалы өткіздім. Себебі мен жай ғана демалып қоймай, сонымен қатар Алакөл көлінің емдік суына шомылдым. Алакөл демалыс жағажайы туралы естімегендер кемде - кем болар. Оның суының ағзама оң әсер тигізгенін байқадым. Көл суы көптеген ауруларға ем екен. Адам денесіндегі қотырлар мен жаралар бірер түскен соң, сыпырылып түсіп қалатын көрінеді.
Суға түсіп жағажайға шыққанда, көңілім өсіп, қанағат тапты. Толқындарды тамашалап, жағажайда серуендеудің өзі бір керемет әсер сыйлайды екен. Толқын арқылы теңізден шыққан майда тастар мен ұлутастарды жинап, өзімнің коллекциям пайда болды десем де болады.
Жағажайда демалып, серуендеудің өзі психологиялық тұрғыдан денсаулыққа да пайдалы екен. Теңіз немесе көлжағасындағы демалыстың адамға жағымды әсер етуінің бірқатар факторлары бар екен. Олар: толқындардың сиқырлы шуы, теңіз бризі мен су түсінің миға гипнозды әсер етуі.
Әсіресе, осы демалыс кезінде жағажайда аяқ – киімсіз, жалаң аяқ серуендеген аса қатты ұнады. Тіпті, осы серуендеудің өзі адамға пайдалы көрінеді. Естуім бойынша көл суынан нәр алған табандағы биологиялық белсенді нүктелер ішкі ағзалардың жұмысын жақсартады.
Келер жылы отбасымызбен тағы да жағажайда демалсақ деп армандап да қойдым.