Менің арманым
Жер бетіндегі әрбір адамның арманы бар. Мен бала кезімде ғарышкер болуды армандағанмын. Өскен сайын тілектерімнің саны арта бастап, оларды іске асыру үшін көп жұмыс істеу керек екенін түсіндім. Қазіргі уақытта менің басты арманым – саяхаттау, күн сайын ұйықтар алдында, шет елде жүргенімді елестетемін. Сондықтан, қазірден бастап ағылшын тілін үйренемін деп шештім. Бұл мақсатыма жету үшін – мектепті бітіргеннен кейін, университетке түсу керек. Жолымда кездесетін барлық кедергілерді бағындыра алатындығыма сенімдімін. Әлі бала болсамда, бұл өмірде қалаған затынды алу үшін, күш салу керек екендігін білемін. Жақсылыққа ұмтылатын адамдарды ұнатамын, олар бізге шабыт береді және әрекет етуге итермелейді. Жоғарғы оқу орнын аяқтап, жақсы жұмысқа тұрғаннан соң, отбасы құруды және ата-анама көмектесуді армандаймын. Олар мені мақтан тұтса екен деймін. Армандарым айналамдағы адамдармен тығыз байланысты екендігіне көзім жетті. Олар ешқашан ауырмасын деп тілеймін! Қорытындылай кетсем, алдымен зор денсаулықты тілеу керек, өйткені деніңіз сау болмаса – барлық армандарыңыз, жай ғана арман болып қалуы мүмкін.
Қазақ көшіп - қонып өмір сүрген халық. Олар көшіп жүріп жер бедерінің сан алуан түрін кездестіретін және соның әр қайсысына ат қойып отырған. Ал бұл көріністермен ерте кездегі қазақ балалары туа таныс болатын. Өйткені бүкіл тіршілігі табиғат аясында өтетін еді.
Табиғат демекші, әлемде табиғаттай күрделі, құдіретті, бай нәрсе жоқ. Ол адамнан бастап, өлі - тірі заттың бәрін де жарата алады және шетінен жойып та отырады. Мысалы, жанды зат өледі, өсімдік шіриді, тас үгіледі, сүйтіп топыраққа айналады. Сондықтан да дүниедегі ең асыл зат топырақ десек, қателеспейміз. Өйткені әлемдегі бар затты бойына сіңіретін де, оны қайтаратын да - топырақ. Топырақтан сан алуан өсімдіктер: шөптер, ағаштар, жемістер, дәнді дақылдар, гүлдер т.б. өз қажетін алып, өсіп шығады.
Байқап көрсек, жер атымен атауы осындай бір ерекшелігіне немесе бедеріне қарай аталады екен.
Бұрынғы ауыл балалары бүгінгідей ғылыми зерттеп білмесе де, көзімен көріп, ортасында өсетін. Бір сөзбен айтқанда табиғатты туа танитын.