No1 мәтіннен неологизмдерді теріп жазыңыз. Транскрипт.
Па, шіркін, біздің Астана керемет қой! Еуразияның қақ ортасында орналасқан елордамыз сұлу ғой, бәлім!
Небәрі жиырма жылдың ішінде қалада қаншама зәулім үйлер мен ғимараттар бой көтерді десеңші! Жаңа
заманда жасампаздықпен қалыптасып жатқан астанамыз өсе берсін!
Қазіргі таңда астанамыз әлемдік, іскерлік байланыстың күре тамыры ғой, шіркін. Астана қазірдің өзінде
азиялық столицалардың арасындағы ең бір еуропалық қала. Жүз жасағыр Елбасымыз Қазақстанның
Еуразиялық ел екенін, оның астанасының орасан зор қос құрлықтың өкпе тұсында орналасқанын, демек
келешекте қаланың осынау ұлан-ғайыр кеңістіктің қуатты желілері тоғысқан торабына айналатынын атап
еткен болатын! Сондықтан Астанамыз күн санап, көркейе берсін, ағайын!
Мектеп үйірмесі туралы диалог.
- Аслан, сен осы бос уақытыңды қалай өткізесің?
- Мен үйде жатып, демаламын. Сосын сабақтарымды оқимын. Ал сен ше?
- Үйде жатқанда ішің пыспай ма? Менде бос уақыт жоқ десе де болады. Менің қолым түрлі үйірмелерден босамайды.
- Сабақ оқуға уақыт қалмайды ғой. Мен сабақтан соң шаршаймын.
- Жоқ, керісінше сол үйірмелердің арқасында мен мектепте білмегенімді үйреніп, түсінбегенімді сұрап, сабағымды да жылдам оқимын.
- Сонда сен қандай үйірмелерге қатысасың?
- Мен мектеп жанындағы ағылшын тілі курстарына қатысамын. Мектеп бағдарласынан ұқсас. Содан соң «қызықты математика», «физикалық тәжірибелер» және хор үйірмесіне қатысамын.
- Барлығына қалай уақыт табасың?
- Ынтаң болып жатса, уақыт табуға болады. Оның үстіне үйірмеде білмегеніңді үйреніп, жаңа достар табуға болады. Сен де менімен бірге қатысып көрмедің бе? Оның үстіне мектеп жанындағы үйірмелер болғандықтан бәрі де ақысыз негізде.
- Ондай болса, керемет қой! Мен ол туралы білмеппін. Қатыссам, қатысып көрейін. Келесі сабақ қашан және қай жерде?
- Келесі сабағымыз ертең, «қызықты математика». Басталуы сағат үште, жиырма тоғызыншы кабинет.
- Жақсы. Онда ертең үйірмеде кездескенше.
- Сау бол!