Мұғалім: - Саламатсыздар ма, оқушылар?
Оқушылар: - Саламатсыз ба,ағай?
Мұғалім: - Сынып,түзел,тік тұр!Бүгін біз футбол ойынын ойнайтын боламыз.
Оқушылар: - Алақай!
Мұғалім: - Алдымен футбол деген не,тарихын,ережелерін қысқаша түсіндіріп өтейін.Арасында сұрақ қоям,дайын болыңдар.
Оқушылар:- Ия!
Мұғалім: - Футбол - спорттың ең танымал командалық ойын түрі.Ағылшын тілінен аударғанда қандай мағына береді?
Оқушы: - Аяқ және доп деген мағына береді.
Мұғалім: - Дұрыс.Ойын тарихы ХІІ ғасырдан басталады.Ең алғаш Англияда дамыған еді.Сұрақ:әр командада максималды неше ойыншы?
Оқушы: - 11 ойыншы,оның біреуі - қақпашы.
Мұғалім: - Дұрыс.Қақпашыдан басқа қорғаушылар, жартылай қорғаушылар,шабуылшылар бар.Бір ойынның аты - матч.Ойынның мақсаты неде?
Оқушы: - Мен айтайыншы!Ойын мақсаты - команданың допты қарсылас команданың қақпасына салу (гол) және өз қақпасына салғызбау. Матчта көбірек доп салған команда ұтады.
Мұғалім: - Өте дұрыс.Ендеше бір,екіге саналып,командаға бөлінейік.
Алтын ұя – мектебім шағын шығарма
«Білім кілті – мектепте» демекші, мектеп – біздің екінші үйіміз. Менің есімде алғаш ұстазымның үнемі айтып отыратын сөздері қалыпты: «Тарыдай болып кіресің, таудай болып шығасың» деп мектеп жайлы өте орынды айтылған деп ойлаймын. Мектеп – бізді есейіп, ер жеткенше білім нәрімен сусындататын білім ордасы, үлкен ғалым – академиктер, саясаткерлер, қаржыгерлер, табысты кәсіпкерлер және де тағы басқа мамандық иелерінің барлығы мектеп қабырғасында білім алып, оны ары қарай шыңдай білген.
Мен қаламыздағы іргелі оқу орындарының бірі - №8 қазақ гимназиясында оқитынымды мақтан етемін, елімізге белгілі тұлғалар осы мектепте білім алған, болашақта мен де сол кісілер сияқты білімімнің арқасында биік шыңдардан көрінгім келеді.
Мектебімізге келер болсақ, биыл мектептің жетпіс жылдық мерейтойы қарсаңында күрделі жөндеу жұмыстары жүргізілген болатын.
Мектепте өткен әрбір күнім шаттыққа толы десе, артық айтпаспын. Мұғалім -біздің екінші анамыз, ал сыныптас достарым өз бауырларым секілді.
Биыл мектептің мерейтойына байланысты қала деңгейінде түрлі мерекелік әрі оқу – әдістемелік іс – шаралар жоспарланып отыр, сол шаралардың сәтті өтуіне барлығымыз түгелдей атсалысудамыз.