- Алло, сәлеметсіз бе? - Алло, сәлеметсіз бе? - Бұл Мараттың пәтері ме екен? - Иә, Мараттың пәтері. - Маратты телефонға шақырыңызшы. - Марат үйде жоқ еді, ол іссапарда. Кешіріңіз, сіз кім боласыз? - Қап, мен Семейден келіп едім. Мараттың досы – Асанмын. Ертең кетемін. Оның ұялы телефонының нөмірін бересіз бе? - Асансыз ба, сіз туралы Марат айтқан. Асан, өзіңіз қалайсыз, отбасыңыз, бала-шағаңыз қалай? Мен Мараттың жұбайы – Арайлыммын. - Арайлым, кешіріңіз. Біз таныс емеспіз ғой. Сондықтан білмей жатырмын. Менің отбасым, бала-шағам аман, бәрі жақсы. Өздеріңіз қалайсыздар? - Рақмет. Бәрі жақсы. Марат Астанаға кетті. Асан, бізге қонаққа келіңіз. Үйде мен бармын. Мараттың анасы бар. - Көп рақмет. Келе алмаймын. Асығыспын. Келесіде міндетті түрде келемін. - Жарайды, онда қинамайын. Мен оның ұялы телефонын берейін. Жұмыс телефонын да жазып алыңыз. - Иә, жазып алайын. - Сізге көп рақмет. Маратқа сәлем айтыңыз. - Оқасы жоқ. - Сау болыңыз. - Сау болыңыз.
Бір-біріне антоним болатын тұрақты сөз тіркестер:
Бетінен оты шықты (ұялды) – Беті бүлк етпеді (ұялмады).
Зәресі ұшты (қорықты) – Қуанышы қойнына сыймады (қуанды)
Қолы қолына жұқпады (тез қимылдады) – Саусағының ұшын қимылдатпады (қозғалмады, еш нәрсе істемеді)
Бір-біріне синоним болатын тұрақты сөз тіркестер:
Үріп ауызға салғандай; қыздың жиған жүгіндей – сұлу, әдемі, көрікті, келбетті; әсем, т.б.
Ит өлген жер; ит арқасы қиянда – алыс, қашық, шалғай;
Ит терісін басына қаптады; жерден алып, жерге салды – ұрысты, сөкті, балағаттады.