Адамдық диқаншысы қырға шықтым, Көлі жоқ, көгалы жоқ құрға шықтым.
Тұқымын адамдықтың шаштым, ектім,
Көңілін көгертуге құл халықтың.
Қор болған босқа кетіп еңбек, бейнет,
Құлдарға құлдықтан жоқ артық зейнет.
Оттай бер, жануарым екі аяқты,
Адамдық хайуанға қанша қажет?!
Жаратқан малды Құдай не керекке-
Мінуге, сою, соғу, жүндемекке.
Жорта бер қамыт киіп, қамшыңды жеп,
Бұйрық жоқ ұрасың деп үндемекке.
Таяққа еті үйренген қойшы жайлап,
Көк есек қозғала ма түрткенге айдап?
Есептен алданғандай болғандар көп,
Жасықты асыл ма деп білмей қайрап
Осы өлен арқылы автор не айтқысы келді ?
Оқу-білім адамзатқа үйретілген және берілген үлкен нығмет. Қасиетті Құран Кәрім кітабымызда ең әуелі аят «иқра», яғни, «оқы» деп түсті.басқа көптеген адамға өте керекті әмірлер болғанына қарамастан, осы «оқы» деген әмірді бірінші беруі тегін емес.
Біздердің оқу арқылы көзіміз ашылып, көкірегіміз оянады.Өмірдегі, дүниеге деген көзқарасымыз дұрыс және ауқымды болып қалыптасады.Осы оқу арқылы ең бірінші Жаратушымызды танимыз.Ыбырай атамыз мұны былай айтып кеткен:
Оқу білген таниды,
Бір жаратқан Құдайды.
Танымаған Құдайды,
Неғылғанда ұнайды.
Онымен қоса адамдарды тани отырып, олармен қарым-қатынасымызды түзелтеміз.және де көптеген заттар мен құбылыстардың сырын ашып, құпиясын ұғына түсеміз.Өмірде өзіміздің тұрмыстық жағдайымызға пайдаландырамыз.
Кісі өмірдегі істерінен және қателіктерінен тәжірибе жинап көрген, білгені арқылы шыңдалады.Ал, көптеген оқиға мен жағдайлар бір адамның ғана басына өтуі мүмкін емес.Демек, біздер өзіміздің ғасырлар бойы жазылған небір данышпан, данагөй, ғұлама ғалымдардың кітаптарымен танысып, көптеген мағлұматтар аламыз.
Өзіміздің дініміз бен тілімізді, оған қоса салт-дәстүрімізді біліммен тікелей байланысты.Әлемдегі неше түрлі қызықты жаңалықтар мен құбылыстарды дер кезінде оқып біліп отыру қандай тамаша нәрсе. Бүгінгі мынау қарбалас, тасқын сияқты ағып жатқан күреске толы, қиын да қызықты өмірде оқуды жақсы көріп онымен тікелей байланыста болмасақ бекер.
Адам болмасына қажетті және өмір сүруге керекті нәрселерді оқып, білуге болады десек артық айтпаған болар едік.Оқумен білім туралы Құран Кәрімде Аллаһ тағаланың: «Әй, Пайғамбарым! Сен айт: «Білгендер мен білмегендер тең бола ма?» (Зүмәр сүресі,9) дегені мен Пайғамбарымыздың «Тал бесіктен, жер бесікке дейін білім алыңдар» дегені сөзіміздің дәлелі айғағы.