1. Интернет арқылы хабарды электронды пошта немесе түрлі әлеуметтік желілер арқылы алуға болады.
2. Интернеттің мүмкіндіктері шексіз. Бүгінде ғаламтор арқылы коммуналдық қызметтердің ақысын төлеу, балабақша ақысын төлеу, білім беру қызметтері, пойыз/ұшақ/автобус билеттерін сатып алу, концерт, көрме, бізден мыңдаған шақырым жерде орналасқан көрікті жерлерге виртуалды экскурсияларға аттануға болады. Бұл тізімді ұзақ жалғастыра беруге болады.
3. Интернет желісіне модем арқылы қосылуға болады.
4. Интернетті мен көбінесе сабаққа қажетті материал іздегенде қолданамын. Сонымен қатар бос уақытымда түрлі фильмдер көріп, музыка тыңдаймын.
Бүгінде электр үнемдейтін шамдар көп кездеседі. Қазақстанда қуат көзін үнемдейтін шамдардың пайдалануын арттыру үшін қызумен жарық шығаратын шамдарды пайдалану және өзге елдерден импорттауға тыйым салынған. Алайда осы шамдар қолданыстан әлі ығыстырылып шығарған жоқ. Ал электр тогын аз тұтынатын шамдарға келсек, олар қызу лампасынан 5-6 есе аз энергия жұмсайды. Тағы бір пайдалысы ол шамдардың ғұмыры кәдімгі лампадан қарағанда 8 есе ұзақ.
Бір шамның бағасы қазір сату орындарында 400-800 теңге аралығында. Бұл қымбат дегенмен пайдаланушылар оған жақсы баға беруде. Алайда кейбір тұтынушылар «шам тез күйіп кетеді» деп шағымдануда. Себебі, көп сауда орталықтары осындай шамның қытайда жасалған сапасыз түрін сатуда. Сондықтан шамды тек мамандандырылған дүкендерден сатып алған абзал.
Біз хабарласқан мамандандырылған техника дүкендері «бір лампа кемінде 8 мың сағат жұмыс істеуі тиіс» дейді. Осындай бір лампа айына 200 теңге ток қуатын үнемдейді. Үш айда шам өзінің сатып алынған құнын толық ақтайды. Мамандар лампаның кейбір кемшіліктері барлығын жасырмайды. Шамды күніне 2, 5 сағаттан артық қосуға болмайды. Егер сіз тұратын ауданда немесе тұрғын үйде ток тұрақты болмай, кернеу ауытқып тұрса шамның ғұмыры ұзаққа бармайды. Ол тек тұрақты кернеуге арналған. Тағы да бір ескере кетер жайт, егер сіздің қосқышыңыз жарықты күшейтіп, азайтатын реттегіші болса да шамға зиянды.