Сәлем Динара(мысалы)! Қалайсың? Білесің бе, мен сені қатты сағындым. Сен алыстасың, мен саған бара алмаймын. Сондықтан саған сағыныш сезімдерімді білдіріп хат жазудамын. Ата-анаң қалай? Білемін, сен және ата-анаңда мені сағынған шығар. Бірақ та жақын арада баруымыз мүмкін. Білесің бе, мен әрдайым сенің есіміңді естісем, қалай бірге өскенімізді, қанша ұрыссақ та, қайта татуласып, күліп-ойнап жүргенімізді есіме аламын. Саған барғанда қатты құшақтап, сағынышымды бассам деймін. Ал әзірге көріскенше!
Фантастика - ең ескі жанр. Қазақ ертегілерінің ғажайып кейіпкерлері: таусоғар, желаяқ, саққұлақ, жалғыз көзді дәу, жалмауыз кемпірлер - өз заманындағы фантастикалық бейнелер. Аталмыш жанрдың түп атасы - ауыз әдебиеті. Ал біздің заманымыздың еншісі - ғылыми фантастика. Кезінде фантаст жазушыларымыздың қаламынан туған «робот» есімді темір адамдар жеті қат көктегі жұлдыздар әлеміне қадам басып, жер астына дейін сапар шекті. Кеңес дәуірінде осындай қиял-ғажайыпқа толы романдар, повестер, хикаяттар, әңгімелер жетіп артылатын. Олардың бәрі келешек пен өткен заманның құпияларын барлап, хал-қадерінше әдебиеттің, мәдениеттің дамуына ықпал етті.
Ал қазір ше? Қазіргі оқырман ондай қиял-ғажайыптарға сенуден қалып барады.