Отбасы - тәрбие бастауы
Отбасы – адам үшін ең жақын әлеуметтік орта. Отбасы белгілі дәстүрлердің, жағымды өнегелердің мұралар мен салт-дәстүрлердің сақтаушысы. Отбасында бала алғаш рет өмірмен, қоршаған ортамен танысып, мінез-құлық нормаларын игереді. Отбасы баланың азамат болып өсуінің негізі болып табылады.
Отбасының басты қызметі баланы тәрбиелеу. Отбасы тәрбиесі – бұл жалпы тәрбиенің ең басты бөлігі. Ата-ана және отбасы мүшелері жас нәресте дүниеге келген күннен бастап, оның өміріне қамқорлық жасап, болашағын жоспарлайды және саналы азамат болып өсуі үшін қажет жағдай жасайды. Бұған баланың қажеттігін толық қанағаттандыру, оны дене және ой еңбегіне үйрету, күн тәртібін дұрыс реттеуге , салауатты өмір сүруге, адал болуға тәрбиелеу, жақсылықты үйретуге, жамандықтан жиренуге үйрету, бойында жастайынан мәдени құндылықтар мен адамгершілік қасиеттерді қалыптастыру жатады.
Қазақ отбасы тәрбиесінің өзекті мәселелері педагог- ғалымдар С. Қалиев, М.Смайылова, М.Оразаев, С. Ұзақбаева, К. Қожахметова, Ж.Б. Қоянбаевтардың еңбектерінде жан-жақты сөз болған.
Әр халықтың бала тәрбиесіндегі өзіндік ерекшеліктері арқылы сол халық отбасы тәрбиесінің де өзіне ғана тән мәдени құндылықтары қалыптасады.
Әрине, қазіргі жастардың мінез-құлық мәдениетін идеализациялауға болмайды, оларда алкогольмен, бұзақылықпен және қарым-қатынас мәдениетінің жоқтығымен проблемалар жетіспейді. Бұл мәселеде салыстырмалы әл-ауқат туралы да айтуға болады, бірақ жақсы отбасылық тәрбие немесе білім беру мекемелерінде педагогтардың сапалы жұмысы жағдайында ғана. Бірақ көбінесе бұл адамның өзіне байланысты. «Әрбір адам екі тәрбие алады: біреуі оған ата-аналар беріп, өзінің өмірлік тәжірибесін бере отырып, екіншісін, одан да маңызды, ол өзі алады»деген пікірмен келіспеуге болмайды