«Тәуелсіздік» тақырыбына диалог құрастыру.
Мұғалім: Балалар, ертең қандай күн, кім айтып жібереді?
Оқушылар: Апай, ертең – еліміз үшін басты мерекелердің бірі – Тәуелсіздік күні.
Мұғалім: Дұрыс айтасыңдар! Қазақстан Республикасы өз тәуелсіздігін қашан жариялады?
Оқушылар: Еліміздің тәуелсіздік күні 1991 жылғы 16 желтоқсанда Президент Нұрсұлтан Назарбаев қол қойған Конституциялық Заңнан бастау алған.
Мұғалім: Бәрекелді. Биыл тәуелсіздігімізге неше жыл толады?
Оқушылар: Биыл тәуелсіздігімізге 29 жыл толады.
Мұғалім: Жарайсыңдар! Елімізде осы жылдардан бері қандай елеулі оқиғаларды атай аласыңдар?
Оқушылар: Жаңа астанамыз бой көтерді! Қазақстанның ЕҚЫҰ-ға төрағалық етті! Елімізде қысқы Азиада ойындары өткізілді! Елордамызда EXPO 2017 халықаралық көрмесі ұйымдастырылды! Назарбаев зияткерлік мектептері мен халықаралық деңгейдегі Назарбаев университеті ашылды!
Мұғалім: Бәрекелді, балалар! Еліміздің тарихынан біршама хабардар екенсіңдер! Тәуелсіздік - ата – бабаларымыз армандап кеткен, желтоқсан оқиғасы кезінде қаншама жастар сол үшін қыршыннан кеткен, оңайлықпен келмегенін үнемі естеріңде сақтаңдар! Енді осы тәуелсіздігімізді тұғырлы етіп, сақтап қалу болашақ жастар – сендердің қолдарыңда екенін ұмытпаңдар!
Барысы:
«Тойбастар» күйі. (хабарланбайды)
1-жүргізуші:
Армысыздар, құрметті ұстаздар, оқушылар және қадірменді қонақтар! Бүгінгі Тәуелсіздігіміздің 20 жылдығына арналған «Елімнің бақытын тербеткен Тәуелсіздік» атты мерекелік кешімізге қош келдіңіздер!
Тәуелсіздік - ең басты құндылығымыз. Тәуелсіздікке қантөгіссіз, бейбіт түрде қол жеткізгеннен кейін ғана елімізді әлемнің өркенниетті мемлекеттерінің қатарына қоса алдық. 20 жыл ішінде тәуелсіз Қазақ елін қалыптастырып, нарықтың қиын өткелектерінен аман өткізіп келеміз. Осы кезеңде Қазақстанды дүние дидарындағы ең мықты мемлекеттер танитындай, сыйлайтындай деңгейге жеткізген тұңғыш Нұрсұлтан Назарбаевтай көреген саясаткердің ерен еңбегін дәл бүгін және әрқшанда айтып өтеміз.
Тәуелсіздік күні еліміздің барлық азаматтары үшін орны ерекше мереке деп білеміз, себебі, осынау жүрекжарды қуанышқа толы күнді ата-бабаларымыз ғасырлар бойы армандап, күтумен өтті.
2-жүргізуші:
Армандарды жақындатып тым алыс,
Біздің жаққа жеткен екен жылы ағыс.
Егемендік - ел бақыты, ертеңі,
О, халайық! Құтты болсын қуаныш!
Азат өлкем күндей күлген шығыстан,
Асыл елім жан - жүректі ұғысқан.
Ата бабам аңсап өткен бақытым,
Айналайын, Қазақстан - Гүлстан!
Казталовка орта мектебінің көркемөнерпаздарының шағын концерттік бағдарламасын қабыл алыңыздар.
Оқушылар сәлемдемесі (20 оқушы)
1-жүргізуші:
Кең байтақ, көз жетпейтін жерім менің
Таулы орман, жасыл жайлау көлім менің
Бүгінде бар әлемге даңқың жетті
Тәуелсіз Қазақстан – елім менің
Ән «Қазақстан» орындайтын 10 - сынып оқушысы: Рахмет Сая.
2-жүргізуші:
Құттықтау сөз кезегі мектебіміздің директоры Талпахов Альберт Асқарұлына беріледі.
1-жүргізуші:
Күй, сені тәтті көрем, жаным сүйіп,
Тыңдаймын тыным алмай, жанып-күйіп
Өмірдің сырын ашып жүрегіме
Музаның әміріне басымды иіп.
Алайық ескі күйдің бәрін жиып,
Жандырған ой-қиялды қалың күйік
Шерттіріп құнарлырақ домбыраға
Тербеліп ырғағына тамылжиық