Матаса байланысқан сөздерді тауып, үлгі бойынша талда. Үлгі: Өнімдердің көбі: өнімдердің - ілік септігінде тұрған сөз + көбі - тәуелдік жалғауында тұрған сөз.
Қоршаған орта, өнім қалдықтары, қоқыс көп, адамның денсаулығы, жылдан
жылға, қоқыс үйінділері, көбейіп жатыр, олардың көлемі, қайта өңдеп, заттардың қалдықтары, қажетке жарату, қауіпті қалдықтар, металл қалдықтары, арнайы орындар, қоқыстың жойылуы, полиэтилен пакеттер, сусындардың ыдыстары, бәріміздің анамыз.
Матасу – қиысу, меңгеру сияқты синтаксистік байланысу формаларының бір түрі. Ол изафеттік құрылыстағы сөз тіркесінің байланысу формасы: Омарбектің інісі, ағаштың бұтағы, біздің табысымыз. Бұл сөз тіркесінің бірінші сыңарлары ілік жалғауында, екінші сыңарлары тәуелді жалғауларында айтылады.
Матаса байланысқан сөздердің бірінші сыңары ілік септігіндегі жеке сөзден де, бірнеше сөзден де бола береді. Осыған қарай матасу жай матасу және күрделі матасу деп бөлінеді.
Бірінші сыңары ілік септігінде тұрған сөзбен байланысу жай матасу деп аталады. Мысалы: біздің ұжым, сенің кітабың т.б.