1-тапсырма. Төмендегі сұрақтар арқылы тақырыпқа қатысты болжаңыз.
1. Неліктен 1 наурыз «Алғыс айту» күні болып белгіленді?
2. Бұл күні қандай тарихи оқиғаларды еске аламыз?
3. Тағдыр тәлкегі дегенді қалай түсінесіңдер?
4. Жер аударылып келген, қазіргі уақыттағы тіл жанашыры болып жүрген, өзге ұлт өкілін білесіңдер ме?
2- тапсырма. Еліктеу сөздерді тауып, жасалу жолдарын түсіндіріңдер. Мағынасына, тұлғасы мен құрамына қарай талдаңдар.
...Тасты жерде сатырлап шапқан көп аттың сарыны мен ағаш даусы да естілгендей болды... Тысқа шыққан ер-азамат қарбаласып, сарт-сарт етіп аттарына мініп жатты. Жылқы жақтан шыққан сатыр-сұтырды естіген ат-айғырлар кермеде тықыршық атып, шыдай алмай тұр еді... Бала-шаға, қыз-келіншек жүрегі қалтырап, қорыққандай дірілдеп, біріне-бірі тығылып, топ танып жүр... Алыстағы көп сарынның ішінде екі-үш рет атылған мылтық даусы да тарс-тарс етіп естіліп қалды... (Мұхтар Әуезов)
Дескриптор:
1.Еліктеу сөздердің түрлерін ажыратады;
2.Еліктеу сөздердің ережесін шығарады.
Менің отбасым
Менің отбасым өте үлкен. Біздің үйде атам, әжем, әкем, анам, ағам, қарындасым және мен бәріміз бірге тұрамыз.
Атам мен әжем зейнеткерлер. Зейнетке дейін атам мал дәрігері, ал әжем есепші болып жұмыс істеген.
Әкемнің аты - Олжас, жасы қырықта, қаржыгер болып жұмыс істейді. Анамның аты - Алуа, жасы отыз сегізде. Анам ауруханада дәрігер болып жұмыс істейді.
Ағамның аты - Сабыржан, жасы жиырмада. Сабыржан университетте білім алуда, болашақ заңгер. Мен мектепте оқимын, жасым он төртте. Қарындасымның есімі Аяужан, ол үшінші сыныпты оқиды.
Біз отбасы болып демалғанды ұнатамыз. Демалыс күндері ауа райына байланысты не серуенге шығамыз, не бәріміз ойын ойнаймыз. Ата - анамыз бізді салауатты өмір салтына сай тәрбиелеуде.Бәріміз де спорттың әр түрімен айналысамыз. Ағам бокспен шұғылданса, мен жеңіл атлетика үйірмесіне қатысамын, ал қарындасым жеңіл атлетика үйірмесіне қатысады.
«Үлкен кісі - шежіре» демекші атам мен әжем әрқашан бізге ақылдары мен өсиеттерін айтып, тәрбиелеп отырады. Атам мен әжем өте қонақжай кісілер. Біздің үйге қонақ жиі келеді. Қонақ күткенді бәріміз ұнатамыз. Алыс жақындағы туған - туыстардың бәрі біздің қалаға жолдары түссе, біздің үйге келіп, ат басын тірейді. Біздің отбасымыз өте тату. Мен отбасымда жақсы көремін!