Сұңқарлар — сұңқартәрізділер отрядының жыртқыш құстар тұқымдасы.
Тұқымдаста 11 тек пен 58 биологиялық түрлер бар. Ең кішкентайы - карликті сұңқар, дене тұрқы 15-19 см.
Антарктидадан басқа жерлерде тундрадан тауға дейін (шөлді аймақтарда да) кең таралған. Қазақстанда 7 (ителгі, бөктергі, тұрымтай, жағалтай, лашын, ақтырнақ, бөктергі, күйкентай) түрі бар.
Жұптасып тірлік етеді. Мекиені үш-төрт жұмыртқа табады. Көп сәттерде тасқа ұялайды. Жұмыртқасын бір ай мөлшері басып, балапан шығарады. Балапаны бір жарым ай мөлшерінде ұшады. Сұңқарлар өз ауын (жемін) күндіз аулайды да ұшқан құстың көбіне қожа. Сұңқар өз жемін көп сәттерде аспанда теуіп түсіреді. Кішігірім құстарды жерге жеткізбей, қайта оралып, іліп әкететін кездері де болады. Көп уақытта жерде отырған құстарды өздері үркітіп барып, теуіп түсіреді. Қоян сияқтыларды қашып бара жатқанда-ақ тебеді. Ақ сұңқарды құсбегілер саятшылық жасайтын аңшы құс ретінде қолда ұстайды. Ақ сұңқар өте сирек кездесетін құс болғандықтан, қорғауға алынып, Қызыл кітапқа енгізілген.
берілгені мәтін қайда???