Менің сүйікті қалам
Алматы - менің сүйікті қалам. Не себепті деп сұрасаңыз, Алматы - Алатау бөктерінде орналасқан ғажайып, әсем қала. Алматыда ауаның өзі ерекше таза болып көрінеді. Оның көркіне көз тоймайды. Тамаша табиғаты аспанмен таласқан заңғар тауларымен, сарқырап аққан өзен-суларымен, көк майса, жасыл желегімен, апорт алмасымен ерекше. Ал жылдан жылға саны артып жатқан зәулім ғимараттардың құрылысы мен көркін сөзбен айтып жеткізу мүмкін емес.
Алматының басты көрікті орындары - Медеу мұзайдыны, Шымбұлақ курорты, Көктөбе. Халық демалу үшін жиі баратын Көктөбеден Алматы алақандағыдай көрінеді. Ол жерден қаланың ғаламат көрінісін, ерекше сәулетін тамашалай аласыз.
Сонымен қатар, Алматыда Тұңғыш Президент саябағы, орталық цирк, Горький саябағы, орталық мұражай, Әуезов атындағы театр, Абай атындағы опера және балет театры сынды мәдениет орындары - халық көп баратын орындар бар.
Алматы Қазақстанның мәдени астанасы болып есептеледі.
Манхэттен Нью-Йорктың мәдени, экономикалық, интеллектуалды орталығы. Нью-Йорк орталық саябағы жасыл желекке толы, ландшафты дизайнге бай үлкен саябақ. Зәулім ғимараттардың бойымен ұзындығы бірнеше шақырымға жетеді. 1870 жылы Америка суретшілері, ойшылдары мен кәсіпкерлері «Метрополитен» мұражайының негізін қалады. 1874 жылы көпшілік қауымға есігін ашқан бұл мұражайда 2 миллионнан аса құнды жәдігер мен өнер туындалары бар. Мұражайдан Ежелгі Мысыр дәуірінен бастап осы күнгі шеберлердің жұмыстарын көруге болады.