Ойдан жұмбақ пен жаңылтпаш құрастыру.
Өзі аппақ, өзі жұмсақ,
Қанттай аппақ. Ол не? (Қар)
Сөйлемейді, жаны жоқ,
Ішінде оның білім көп. (Кітап)
Қалың – қалың киімі бар,
Шешіндірсең, жылатар. (Жуа/Пияз)
Сырты жасыл қатты доп,
Іші қып-қызыл тәтті доп. (Қарбыз)
Үйдегі тыным таппайтын жансыз тықылдақ не? (Сағат)
Қапты қапты ит қапты,
Қапыда қатты қапты.
Омартаға балалар барар,
Омартаны балалар аралар.
Сыныпта бор бар,
Ақ бор бар, көк бор бар
Барлығы неше бор бар?
Ошаққа от жақ, ,
Ол үшін шоқ тап,
Шоқ тап та, от жақ.
Балға тап та,
Жаңғақ шақ ,
Жаңғақ шақсаң,
Сақ шақ.
Батыр
Жекеше
I. Мен батырмын.
II. Сен батырсың.
Сіз батырсыз.
III. Ол батыр.
Көпше
І. Біз батырмыз.
ІІ. Сендер батырсыңдар.
Сіздер батырсыздар.
ІІІ. Олар батырлар.
Жазушы
Жекеше
І. Мен жазушымын.
ІІ. Сен жазушысың.
Сіз жазушысыз.
ІІІ. Ол жазушы.
Көпше
І. Біз жазушымыз.
ІІ. Сендер жазушысыңдар.
Сіздер жазушысыздар.
ІІІ. Олар жазушылар.