- Сенің сүйікті пәндерің қандай?
- Қазақ тілі, ағылшын тілі және география.
- Сен қандай үйірмелерге қатысасың?
- Мен аптасына екі рет домбыра үйірмесіне және екі рет ағылшын тілі үйірмесіне барамын.
- Сенің сүйікті ісің бар ма?
- Иә, мен бос уақытымда сурет салғанды ұнатамын.
- Биылғы жазғы демалысыңды қайда өткізетін болдың?
- Алғашқы айда атам мен әжеме барып, жайлауда біраз демаламын. Одан кейін отбасымызбен Бурабайғ абарып демаламыз.
- Болашақта қандай мамандық иесі болғың келеді?
- Мен болашақта дәрігер болуды армандаймын.
- Неліктен дәрігер болғың келеді?
- Дәрігерлерді халқымыз әдетте "ақ халатты абзал жандар" деп атайды. Себебі олар науқастарды емдеп, олардың жандарына араша түседі. Науқастардың жазылып кетуіне бар білімімді, күш - жігерімді жұмсап, аянбай еңбек еткім келеді.
- Күніне ғаламторда қанша уақыт өткізесің?
- Жалпы ғаламторды тек сабаққа қажетті ақпарат іздеген кезде ғана қолдануға тырысамын, себебі ғаламторды жиі пайдаланғандықтан тәуелділік пайда болуы мүмкін.
Бауыржан Момышұлы атамыз: «Тілін білмеген –түбін білмейді» деген. Тіл- ата-баба аманаты. Ғасырдан ғасырға, ұрпақтан ұрппаққа ұласқан, бабадан балаға жалғасқан әр ұлттың тілі бар. Шынында, тілін білмеген адам өз халқының тарихын, дәстүрін, мәдениетін білмесе, бұдан асқан қасірет бар ма? Сондықтан әр адам ана тілін көзінің қарашығындай сақтау керек. Радио теледидар, интернет желісінен үздіксіз беріліп отырған ақпараттар арқылы біз Үндістандықтардың ағылшынша, Бразилиялықтардың португал, Аргентиналықтардың испан тілінде сөйлейтіні бізге мәлім екені белгілі. Себебі, аталған тілдердің Үндістан, Бразилия мен Аргентина елдерінің әдеби тілі болып табылады. Бір қиыны,бұл елдер өз тілінде еркін сөйлей алмайды. Сондықтанда біз ана тілімізді мақтан тұтып, өз жерімізде, өз тілімізде еркін сөйлей алатынымызға шүкіршілік етуіміз керек.