"Жолақты жыртқыш" жайлы.
Хайуанаттар әлемі қызықты әрі сан алуан.Оның біз білетін жаңалықтарымен қатар,мүлдем естіп көрмеген қырлары мен сырлары да көп.Мысалы,патша ұғымын лайықты аң – жолбарыс туралы көбіміз білеміз.Алайда, жолбарыс мысықтұқымдас болса да,суды жақсы көретінін,тіпті бірнеше шақырымдық өзендерді де жүзіп өтетінін бірі білсе,бірі біле бермейді.Оның табанының бір соққысы, аюды өлтіруі мүмкін. Сондай-ақ, бұл жануардың тістері, сүйекті сындыруға шамасы жетеді.Осыдан-ақ оның күшінің көптігін,алпауыт әрі қайсар аң екендігіне көзіміз жетеді.Солай бола тұра,жолбарыс адамды азық ретінде қарастырмайды, бірақ қауіп төнсе шабуылдауы мүмкін.Жолбарысты аулауға барлық елде тыйым салынған.Себебі,бұл қайсар аңның да бүгін санаулы түрлері қалған.
