Бізді қоршаған барлық табиғат. Ауа, жер, су, таулар, орман, теңіз, Қалжыр, құстар, ормандағы аңдар - осының барлығы табиғат. Біз жиі айтамыз: "Табиғат - біздің үйіміз". Басқаша - біздің өмір сүру ортасы. Ал біз өмір сүруге, яғни өмір сүруге, жақсы өмір сүруге, бақытты өмір сүруге, біздің өмір сүру ортасы дұрыс болуы тиіс: су мен ауа таза, ағаштар, аңдар және құстар - сау, тастар - қауіпсіз болуы тиіс.
Алайда, бұл сұлулық бізге өте байланысты екенін ұмытамыз, біз оған қалай қараймыз. Егер адамдар ғаламшарды үлкен қоқыс үйіндісіне айналдыруды тоқтатпаса, мұның барлығы болмайды.
Жастар – қоғамның қозғаушы күші ғана емес, елдің тірегі, мемлекеттің ең белсенді бөлігі. Елбасымыз Нұрсұлтан Назарбаев Қазақстан халқына арналған былтырғы Жолдауында 2019 жылды Жастар жылы деп жариялаған болатын. Жуырда ғана елордада «Тәуелсіздік ұрпақтары» атты жастар жылының салтанатты ашылу рәсімінде сөз сөйлеген Мемлекет басшысы бұл жылдың маңыздылығына тоқталды.
–Тәуелсіздік рухымен өсіп келе жатқан бүгінгі жас буын – біздің ертеңгі үмітіміз, сенімді тірегіміз... Біз бабаларымыз аңсаған Тәуелсіздікке қол жеткізіп, Ұлы дала төсінде әлем мойындаған мемлекет құрдық. Есілдің жағасында еңселі елордамыз – Астананы тұрғызып, тарихта бұрын-соңды болмаған зор жетістікке қол жеткіздік. Жүзеге асырылып жатқан шаралардың бәрі егемен еліміздің болашағы – сіздер үшін жасалып отыр, - деді Нұрсұлтан Әбішұлы.
Салтанатты шараға Үкімет мүшелері, Парламент депутаттары, жергілікті атқарушы органдардың басшылары, ҚР Президенті жанындағы Жастар саясаты кеңесінің мүшелері, «100 жаңа есім» байқауының жеңімпаздары, «Болашақ» бағдарламасының түлектері, ғалымдар, шығармашылық, студенттік және жұмысшы жастар өкілдері, спортшылар, дарынды балалар, заманауи медиа саласының өкілдері, балалар үйінің тәрбиеленушілері мен түлектері және әскери қызметкерлер қатысты. Олардың арасында Елбасы кітапханасының аға сарапшысы, «Болашақ» бағдарламасының түлегі, белгілі журналист Қанат Әуесбай да бар. Іс-шараға Президент жанындағы жастар саясаты жөніндегі Кеңес мүшесі ретінде қатысқан Қанат Әуесбай Елбасының жастар бойынан көргісі келетін қасиеттеріне тоқталып, кездесуден алған әсерімен бөлісті:
–Мемлекет басшысы жастардың көрнекті өкілдерінің ой-ұсыныстарын тыңдап, олар бойынша Үкіметке нақты тапсырма берді. Тапсырманың барлығы жастар аса зәру негізгі 4 саланы қамтыды – білім алу, жұмыс, баспана мен отбасын құруға жағдайдың болуы. Өзгесін айтпағанда назарымды аудартқан жаңалық – шағын несие берудің және оқыту ісінің оң тәжірибесі негізінде барлық өңірде «Жас кәсіпкер» бағдарламасының әзірленетіні. Одан бөлек, Үкіметке «Бизнестің жол картасы – 2020» бағдарламасы аясында жас кәсіпкерлер үшін грант бойынша бөлінетін қаржы көлемін екі есе арттыруды тапсыруы. Бұл жастардың кәсіпкерлікпен айналысу ынтасын арттырып, оларға мүмкіндік туғызу, білім мен білік бәсекелестігі дендеген заманауи жағдайда аса қажетті қадамдар екені маңызды. Тағы бір ерекше ынтызарлықпен қабылдаған жаңалығым, волонтерлықпен айналысатын студенттердің стипендиясын 30 пайызға көтеруді Үкіметке тапсыруы. Меніңше, өте қажетті бастама. Барша әлемде жастардың өмірден өз орнын тауып, кірпіш болып қалануы олардың әлеуметтенуіне байланысты. Қоғамдық жұмысқа араласып, ерікті ретінде қоғам игілігі үшін ізгі амалға көп барған жан ең алдымен елге жанашыр. Әлемнің маңдайалды жоғары оқу орындары оқуға қабылдарда жас азаматтың волонтерлықпен қаншалықты айналысқанына зор мән береді.