Неліктен аспан әлемі ежелден адамдарды қызықтырған?
Бағзы заманнан бері аспан әлемінің шексіз кеңістік құпиясы тек қазақ халқын ғана емес, жалпы а ежелден-ақ, өзін тануға ынталандырып, қызықтырып келеді. Міне, күні бүгінге дейін бұл үрдіс бір сәтке тоқтаған емес. Керісінше заманның өзгеруі мен ғылыми – техникалық процесс бұл қызығушылықты одан әрі көбейтіп, аспан әлемі жіті зерттелуде.
Бұрынғы заманнан бері адамдарда уақытты, бағыт - бағдарды дәл көрсететін белгілі құралдары болмағандықтан, Күн мен Айға, аспандағы жұлдыздарға қарап жыл мерзімі мен уақытты айыратын болған. Сондықтан да, олар осы қажеттілік салдарынан аспан денелерінің қозғалысын үнемі бақылап отырған.
Дегенмен, аспана әлемі - әлі де сыры толық ашылмаған құпия әлем. Күндіз көгілдір, түнде түпсіз тұңғиық аспанға қарап, қызықпау мүмкін емес. Дана халқымыз ежелден бері ғарышқа ұшпай – ақ, аспан әлемінің құпяиларын білген секілді. Мысалы, аспанда орнын ауыстырмайтын «Темірқазыққа» қарап, қазақтар сапар шеккенде жол бағдарын анықтайды. «Темірқазықты маңдайға ал» немесе «Темірқазық сол иығыңда болсын» деп жолаушыға жол сілтеген. Дегенмен, аспан әлемінің бізге беймәлім, әлі де сыры ашылмаған құпиялары жетерлік сияқты...
