Аудармасы.
Алтын адам сақ жауынгері болған. Ол Есік қаласындағы сақ қорғанынан табылды. Алтын адамның басында қанатты жылқылар, қар барыстары, арқарлар және құстармен безендірілген ұзын үшкір бас киім бар еді. Ол белбеуі бар берен және алтын салтанатты киім киген. Онымен бірге әлі де шешілмеген / құпиясы ашылмаған жазбаша белгілері бар ыдыс табылды.Қанатты барыстағы алтын адам Қазақстанның ұлттық рәміздерінің біріне айналды. Сақ батырының көшірмелері Қазақстанның көптеген қалаларында бар. Алтын адам қазіргі қазақ халқының ата-бабалары өмір сүрген жер қорғаушыларының ерлігі мен уақыт сабақтастығы бейнесіне айналды.
Пейіш, тозақ таласар, таласуда баян бар,
Тозақ айтар: мен артық, менде Перғауын, Һаман бар.
Пейіш айтар: білмейсің, сенде қандай талғам бар?! –
Перғауын, Һаман сенде-дүр, менде Жүсіп, Кенған бар.
Тозақ айтар: мен артық, дүниепарас көп құл жүр,
Қолдарына салынған алмас кісен, от-шынжыр.
Пейіш айтар: мен артық, мен – Пайғамбар мекені,
Алдарында олардың: кәусар, һүр мен нөкері.
Тозақ айтар: мен артық, менде жөйіт, тарса бар,
Жөйіт, тарса тәндерін сансыз азап паршалар.
Пейіш айтар: мен артық, менде иманды құлдар бар,
Момындардың алдында шексіз нығмет – гүлзар бар.
Тозақ айтар: мен артық, залым құлдар бар менде,
Залымдарға беретін зәһар – менде, зәр – менде.
Пейіш айтар: мен артық, ғалым құлдар – төрімде,
Аят, Хадис, Құран бар ғалымдардың көңілінде.
Тозақ айтар: мен артық, алаяқ бар – қойнымда,
Оттан ескен кісен бар мұнафықтар мойнында.
Пейіш айтар: мен артық, менде – хақ жол тұтқандар,
Сопылардың көңілінде Зікір, Пікір, Сұбхан бар.
Тозақ айтар: мен артық, бейнамазды аяр бар,
Бейнамаздың мойнында жылан менен шаян бар.
Пейіш айтар: мен артық, менде – Дидар-Мұратың,
Жар Дидарын көрсетер бар Рахман – Рахым.
Тозақ сонда тақ тұрды, пейіш көкке самғады, ал,
Құл Қожа Ахмет, не білдің? –
Білдіруші Алла бар.