Кереге уық шаңырақ, үй, есік сөздеріне фразеологизмдер:
Босағасын паналады – «үйіне тығылды, бас сауғалады, күн көрді», босағасын тоздырды – «қайта-қайта келді, келгіштей берді»,
босағасын солқылдатты – «күш көрсетті, қиратып кете жаздады», босағасын шапты – «шаңырағын ортасына түсірді, жауласты»,
есігі ашық – «қонақжай, кең пейілді, дастарханы жаюлы»,
есігі тар – «пейілі тар, сараң үй»,
есігінде жүрді – «біреудің босағасында қызмет етті»,
есіктегі басы төрге жетті – «елеусіз адамның беделі өсті, мерейі үстем болды»,
есігінің алдына кетірді – «дегенін істетті, бас идірді»,
есігі ойран, төрі талқан болды – «шаңырағы ортасына түсті, тас-талқаны шықты»,
есіктен шықса тесіктен, тесіктен кетсе есіктен келді – «мұнан кіріп, одан шықты, су жұқпас қу»,
есігін ашпады – «хабарласпады, келмеді»,
есік пен төрдей – «бір аттам жер, таяқ тастам жер, тіпті жақын жер», кереге бойлы – «ұзын, керегенің ұзындығындай»,
керегеден шығарып жіберді – «итше қуып жіберді, керегеге таңылды» (ұятқа қалған кісі туралы),
керегесін керту – «керегесін кескілеп, ойран салу»,
уығын қадасып, шаңырағын көтерісті – «ортақ іске белсене қатысты, жәрдемдесті»,
шаңырағы қаңырап қалды - "үйі босап қалды",
шаңырағы ортаға түсу, шаңырағы шайқалу - ұрысу/ ажырасу.
Мұхтар Мұқанұлы Мағауин (2 ақпан 1940, Баршатас ауылы, Аягөз ауданы, Шығыс Қазақстан облысы) — тарихшы, жазушы, қазақтың ауыз әдебиетін зерттеушісі ғалым. Филология ғылымдарының докторы, Мемлекет сыйлығының лауреаты (1984). Қазақстанның халық жазушысы (1996).