Жебеу
Басты бет > Басқада > Абай Құнанбайұлы-175
"Абай жолының" қысқаша мазмұны. I том, "Қайтқанда"
Уақыты: 2020-08-31Көрлімі: 1114Сипаттама
image_l.jpg
Massaget.kz порталы Абай Құнанбайұлының 175 жылдығына орай Мұхтар Әуезовтің "Абай жолы" роман-эпопеясының қысқаша мазмұнына doodle анимациялы видеосаммари дайындады. Видеожоба ҚР Ақпарат және қоғамдық даму министрлігінің қолдауымен жарық көріп отыр.
Назарыңызға I томдағы "Қайтқанда" тарауын ұсынамыз.
Қайтқанда
Бұл тарауда Абай оқуын аяқтап, ауылына қайтады. Оны алып келу үшін әкесі Құнанбай қалаға өзінің көмекшілері Байтас пен жорға Жұмабай деген адамдарды жібереді.
Жол бойы Абай ауылына асығып үлкендердің мазасын алады. Оның қайта-қайта алға озып кете беретініне екі ересек ештеңе істей алмай, дегеніне көніп, өздері де жылдам жүруге мәжбүр болады. Үш күндік жолдың, әсіресе, соңғы күні қызықты өтеді. Аттылар Есембайдың жырасы деп аталатын ұрылар жататын жерге жақындағанда үлкендер Абайға "жанымыздан алыстама, мұнда қарақшы көп, астыңдағы атыңды тартып алады" дейді. Бірақ жас бала олардың айтқанын тыңдамай, шауып кетеді.
Баланың артынан шапқан Байтас пен Жұмабай одан адасып қалады. Бір кезде екеуінің артынан бетін орап алған бір атты шығады. Байтастан сәл қалып қойған Жұмабай артымызға түскен ұры болар деп ойлап абдырап қалады. Ол шоқпарын аламын дегенше әлгі атты мұның тымағын бетіне түсіріп, көзін жауып, шоқпарын тартып алады. Жұмабай қорқып кетеді. Сөйтсе, ол Абай екен. Жұмабай баланың бұл қылығына ашуланады.
"Ұрылар жататын жерде мұндай жаман ырым бастауға болмайды" дейді ол. Абай біраз күлгеннен кейін Жұмабайдың Құнанбайға қадірі бар адам екенін есіне алып, оның үстіне әкесі өзі туралы теріс пікір естісе оңбайтынын түсініп, одан бұл әрекеті үшін кешірім сұрайды. "Ұйқы ашар болсын деген едім" дейді Абай. Жұмабай оның кішіпейілдігіне ырза болып, кешіргендей сыңай танытады. Мұның бәрін сырттай бақылап, күліп тұрған Байтас қалжыңды іліп әкетіп, жолдастарына өзінің басынан өткен қызықты оқиғаларын айтып береді. Артынша үшеуі күліп-ойнап ауылға қарай жарыса шабады.
Бұл төмендегі сабақтарды мен 4 сыныпта әдебиеттік оқу пәнінен берген болатынмын. Өткізілген сабақтың жоспарын сындарлы оқытуға негіздеп жасадым. Барлық берілген сабақтар тізбектелген сабақтар топтамасы. «Не үшін?» Қ.Мырза Әли, «Жазғытұрым» І.Жансүгіров, «Менің өмірім» М.Жұмабаев, «Оюлар» Ф.Оңғарсынова аталған тақырыптардың барлығы өлеңдер. Сабақта қарастырған жұмыс түрі барлығы топтық болып табылады. Оқушылар бұл сабақтарда бойларында еркіндікті сезіне отырып, топпен жұмыс жасады. Оқушыларға көбінесе шығармашылық тапсырмалар беріп, топпен ақылдаса отырып, шешімді өздері тауып шыға алатындай етіп бердім. Сергіту сәттері де бастауыш сынып оқушыларына көп септігін тигізеді. Әр сабақтың тақырыбына ұштасатындай етіп, сыни ойлау тапсырмаларын бердім. Оқушылар арасында сергіту сәттерінің түрлерін жасай отырып, ынтымақтастық атмосферасы орнады. Оқушыларды бағалау кезінде бағалау түрлерінің бірнеше түрін қолдандым. Оқушының өзінің бағасы, топтың бағалауы, жұптық, және критерийлер арқылы шынайы бағалау. Жалпы осы сабақтар топтамасына жеті модульдер кіріктірілген. Әрбір сабақта төрт немесе бес модульді қаматыдым. Нәтижесінде оқушы бойында сенімділік, сыни ойлау көзқарастары қалыптасады, ойын еркін айта алатындай бола білуге төселеді.