Біздің туған тіліміз, ана тіліміз - қазақ тілі. Біз ана тілімізде сөйлейміз, оқимыз, жазамыз, білім аламыз. Әр ұлттың өз туған, ана тілі болады. Ана тілі бізге анамыздың ақ сүтімен дарыған. Сәбилердің ең алғашқы сөздері "Ата", "Апа", "Әке", "Ана" әлемдегі ең тәтті сөздер деп үлкендер айтады. Ал, анамыздың "Айналайын " дегені әлемдегі ең жылы сөз деп ойлаймын.
Барлық адам түрлі тілді білсе де, өз тілін құрметтеуі, қастерлеуі керек. Біз осындай тілімізбен мақтанамыз!
Ана тілім - баға жетпес байлығым.
Ана тілім - ар-ұятым, айбыным,
Ана тілмен жырлаймын талай жырымды.
Ақындарша төгіп талай сырымды,
Ана тілім - қазыналы,шұрайлы.
Ана тілім - талай елге тарайды,
Ана тілде сөйлейміз мына біз,
Ал, құрметтеу, азаматтық парыз!
Қазақстандай жері шұрайлы, шөбі шүйгін өлкені мен әрқашан да мақтан тұтамын.Қазақстанның кең даласындай байтақ дала еш жерде жоқ шығар. «Отаның-алтын бесігің», «Отаны жоқтық – нағыз жоқтық»- деп дана халқымыз бекер айтпаған. Өз Отанын сүю, өз ана тілін ардақтау - әрбір азаматтың бірінші міндеті.
Ал біздің халқымызда атамекенді ардақтау сезімі өте терең деп ойлаймын. халқымыздың басынан қандай қиын кезеңдер өткенде де ата-бабаларымыз елімізді сыртқы жаудан қорғай білген. Өз елі үшін жанын да, барын да аямаған. Халқымыздың осы бір қасиеті жанымызға ана сүтімен тарап, ана тілімен дарып, ақ нанымен бекуі тиіс.