"Ұлтаралық қақтығыстар болмас еді.."
Ұлтаралық қақтығыстар-ұлттардың тәуелсіздігінен,саяси билікке ұмтылулардан,жер таласынан немесе діни көзқарас пен кемсітулерден болуы мүмкін.Әлемде Түркиядағы күрд ұлтаралық қақтығыстарды және араб пен еврейлердің ұлтаралық қақтығыстарын айтуға болады.Енді өз еліміз Қазақстанға келсек,еліміз - көп ұлтты мемлекет.Еліміз тәуелсіздік алғаннан бері еліміздегі өзге ұлттардың тілі мен мәдениеті жоғалмас үшін жағдай жасалды.Ұлтаралық қақтығыстар болмау үшін барлық ұлт - бір тұтас болып,бір атаның балаларындай тату-тәтті өмір сүруі тиіс.Ұлтаралық қақтығыстар болмас еді,егер Қазақстанда тұратын өзге ұлт өкілдері тұрып жатқан елінің тілін,мәдениетін сыйласа.Ұлтаралық қақтығыстар болмас еді егер ел ақсақалдары тентектерді жолға салып,тәртіпке шақырса.Әр ұлт өкілдері бір-бірімен тату болып,сыйласса.Елімізде кім тұрсада жер жетеді.Қазақстанның жері ұлан байтақ.Елімізде кен-байлықтарыда жеткілікті.Халқымыздың бейбітшілікте еңбек етулеріне жағдай жасалған.Ұлтаралық қақтығыстар елімізде мүлде болмасын.Бейбітшілік заманда еліміз тыныш,халқымыз аман болсын.
Анама сыйлық.
Менің аяулы да ардақты анамның туылған күні жақындап келе жатыр.Ал мен сыйлыққа не берерімді әлі күнге дейін шешпедім.Анам қымбат сыйлықтарды ұнатпайды.Маған үнемі "маған қымбат иіссу алғанша,өзіңе дәптер мен қалам алмадың ба?!" деп айтатын.Сондықтан бұл жолы артық ақша құртып,анамды ашуландырмай-ақ қояйын деп шештім.Құрдастарым өз қолыңмен сыйлық жаса деп кеңес берген еді.Мен суретті жақсы саламын.Алайда құр сурет қарапайым болып кетеді деп ойлаймын.Өлең шығаратын қабілетімнің жоқтығын қарашы.Осылайша ұзақ ойланып еңбек сабағынан үйренген білімімді пайдалануды шештім.Таза, тік төртбұрышты ағашты алдым да ішін ойып рамка секілді жасадым.Ағаштың шетіне әдемі гүлдер салдым.Одан кейін тастармен әшекейледім.Анам екеуміз түскен фотоны салдым.Мінеки,өз қолыммен әрі әдемі фото салатын рамканы істеп шықтым.Енді ақ параққа өзімнің жүрегімнен шыққан тілектерді жазу ғана қалды...