Қызыл кітап Қазақстандағы сирек жануарлардың, құстардың, өсімдіктер мен саңырауқұлақтардың тізімі болып табылады.
Қызыл кітаптың түсі - қызыл! Яғни табиғат қауіпті жағдайда дегенді білдіреді! Жануарлар, өсімдіктер мен құстар жоғалуда. Кітаптың қызыл түсі бекерден таңдалған жоқ. Бұл түс өзінің жарқындығымен адамдардың назарын аударып және осы кітапқа енгізілген жануарлар мен өсімдіктерге көмектесуге шақырады.
Қарақұйрық, барыс, арқар және т.б. жануарлар Қазақстанның қызыл кітабына енгізілген.
Мен адамдар қызыл кітаптың мекендеушілерін жоймай, оларға көмектесуін қалаймын!
Кез-келген баланың жақсы көріп, құрметтейтін әжесі болады. Менің де әжем бар.
Ол мені кішкентайымнан өсіріп бағып келеді. Жасы 75-тен асса да анам мен әкем жұмыста болған соң, мені сабаққа дайындап, шығарып салады. Ол қарындасыма да қарайлайды. Бізді қатты жақсы көреді. Күн сайын тәттілер алып беріп еркелетеді.
Ол мен үшін өмірдегі ең қымбат жан. Оның дайындаған сүтке қосылған күріші тіл үйіреді. Тәп-тәтті. Қайта-қайта жей бергің келеді. Әжеме сол үшінде ризамын.
Жылдан-жылға әжем қартайып бара жатқан сияқты. Шашы ағарған. Көп жүрсе қатты шаршап қалады. Мен әжеме көп ауыртпалық түсірмеуге тырысамын. Сабағымды жақсы оқимын. Бос уақытымда қазақ ақындарының өлеңдерін жаттаймын. Әжем менің алғашқы тыңдаушым. Ол қателігімді түзеп, мақтап отырады.
Ақ әжем күн сайын ақыл–кеңес айтудан шаршамайды. Үнемі: «Сабағыңды жақсы оқы. Оқыған адам ғана өз арман-мақсатына жете алады. Жалқау болма, еңбекшіл бол. Өтірік айтпа. Қиянат жасама». Болашақта әжемнің айтқанын орындауға тырысамын.
Бұл өмірдегі үлкен арманым әжемнің денсаулығы мықты болып, жанымда жүре берсе екен. Мен өз әжеммен мақтанамын.