Барлығы дерлік бәрі қалаған нәрсені істей алу үшін барынша көп ақша табуды қалайды. Қазіргі әлемде біз сатып алатын көптеген нәрселер бар. Сонымен қатар, көптеген адамдар ақшамен сатып ала алмайтын көптеген құнды нәрселер бар екенін айтады.
Бір жағынан, көптеген адамдар ақша бақытты әрі жайлы өмірді ұйымдастыра алады деп есептейді. Үлкен үйге, тиісті білімге, жайлы және қымбат автокөлікке ие бола отырып, бұл нәрселер біздің арманымызды бала кезінен қалыптастыра алады.
Екінші жағынан, қоғам әрқашан көп табатын адамдарға құрмет көрсетеді. Сонымен қатар, ақша - қуат пен бақыт. Дегенмен, сіз өзіңіздің ақшаңызға денсаулықты сатып ала алмайсыз. Адамдар салауатты болу бай болудан гөрі маңызды екенін түсінеді. Шын мәнінде, ақша сізге өмірдегі ең құнды нәрселер болып табылатын махаббат пен достық сатып алуға көмектеспейді, кем дегенде менің ойымша.
Қорытындылай келе, мен өз өмірімізде бақытты әрі сенімді сезінемін, мен бұл адамның ең маңызды құндылықтардың бірі деп санаймын. Басқа адамдар сізге ақша емес, бақытты етеді. Ақша қаражатының болуы билікке ие, бірақ сіз бақытқа ие болдыңыз дегенді білдірмейді.
Менің сүйікті тағамым
«Ас адамның арқауы» демекші, дәмді тағам ішкенді бәрі де ұнатады. Бірақ әркімнің сүйсініп жейтін тағамдары болады. Мысалға, мен ет тағамдарын жақсы көремін, әсіресе, ұлттық тағамымыз етті сүйсініп жеймін. Анам мерекелік күндер мен туған күндерге үнемі ет асып, үлкен дастарқан жаяды, бұл біздің отбасылық дәстүріміз десем де болады. Әдетте, қамырды анам қолдан жайып, сорпаға етпен бірге картоп пен сәбіз салып пісіреді. Ал тұздығына пияз бен сәбіз қосып дайындаған ұнайды.
Дегенмен ет асып, табақ тартқанның да ежелден келе жатқан өзіндік мән – мағынасы бар, соған тоқтала кетсем.
Ет - халқымыздың аса қадірлі қонаққа ұсынылатын кәделі тағамы. Сыйлы қонақтарға қойдың басын немесе ірі қараның шекесін, табақ - табақ ет тартады. Әр адамның жасы мен дәрежесіне сай түрлі мүшелер тартылады. Осыған орай табақ тарту – бас табақ, сый табақ, күйеу табақ, келін табағы, жастар табағы, жай табақ болып бөлінеді. Осы табақтарға сай ет (сүйек) мүшелері болады. Ол мүшелерді ауыстыруға болмайды. Бас табаққа бас, жамбас, омыртқа, қазы, қарта, жал, жая сияқты кәделі мүшелер салынады. Іліктік қатынасқа қарай: қарттарға жамбас, орта жастағыларға ортан жілік, омыртқа, күйеу мен қыздарға асықты жілік, төс, тағы сол сияқты рет-ретімен беріледі. Мойын омыртқа, тоқпан жілік, ірі малдың жамбасының шұқыршағы, жауырын, сирақ қонақтарға тартылмайды.
Ет тағамдарына сонымен қатар қуырдақ, сірне, жаубүйрек, борша, қарын бөртпе, әсіп, жөргем, қимай, ми палау жатады.
Ал соғым сойылып жатқан кезде дайындалатын қуырдақтың дәмін айтсаңызшы, тіл үйіреді...