Сын есім.
Сын есім – заттың сындық белгісін білдіретін сөз табы. Сондықтан ол зат есімнің алдынан ешбір қосымшасыз келіп тіркесіп сөйлемде анықтауыш қызметін атқарады. Мысалы, асыл – мұра, әсем ән, жақсы кітап, қызық әңгіме т.б.
Сын есім мағынасына қарай сапалық және қатыстық сын есім болып бөлінеді: Сапалық сын есім деп заттың түрі, түсін, сапасы мен сынын, көлемі мен аумағын білдіретін бір морфемалы сөздер аталады: ақ, көк, үлкен, жақсы,биік, жаман, қызыл, кең, тар, жалпақ т.б.
Қатыстық сын есім деп заттың белгісін басқа бір заттың қатысы арқылы білдіретін сөздер аталады: таулы (жер), қамысты (көл), жазғы (самал), бөрікті (адам), бойшаң (жігіт) т.б.
Спорт дүкені үлкен ,әдемі,үш қабатты.Онда бірнеше бөлмелер бар.Бірінші қабатта балалар спорт киімі сатылады. Екінші қабатта ерлер спорт киімі сатылады. Ал үшінші қабатта әйелдерге арналған спорт киімі сатылады.Спорт киімдері әдемі,қолайлы, сәнді.
Бөлмелерде әр түрлі спорт құралдары сатылады.Дүкенде коньки,шаңғы, волейбол футбол ойнайтын доптар,тенніс ойнайтын құралдар сатады.Дүкенде балық аулайтын құралдар да сатылады. Барлық бөлмелерде сыпайы ,мейірімді сатушылар қызмет етеді.