Білім-ғылым үйренбекке талап қылушыларға әуелі білмек керек. Талаптың өзінің біраз шарттары бар. Оларды білмек керек. Оларды білмей, іздегенмен табылмас.Адам көңілі шын мейірленсе, білім-ғылымның өзі де мейірленеді, тезірек қолға түседі. Шала мейір шала байқайды. Ғылымды үйренгенде, ақиқат мақсатпен білмек үшін үйренбек керек.Ғылымды, ақылды сақтайтұғын мінез деген сауыты бар. Сол мінез бұзылмасын! Көрсе қызарлықпен, жеңілдікпен, я біреудің орынсыз сөзіне, я бір кез келген қызыққа шайқалып қала берсең, мінездің беріктігі бұзылады.
Жан дүние даму үшін кітапты көп оқу, адамды жақсы қасиеттерге үгіттейтін бағдарламалар көру дұрыс. Себебі, олар жан дүниені байыту үшін ғана емес, білімді болу, таным деңгейі жоғары мөлшерде қалыптасқан, үлгілі қағидаларды қалыптастырып, орындай білу үшін қажет.