– Сәлем,Арай!
– Сәлем,Жібек!Қалың қалай?
– Жақсы,өзің ше?Жазғы демалыс қалай өтіп жатыр?
– Бәрі де жаман емес.Ауылға барып қайттың ба?
– Иә, керемет болды.Қолыңдағы не кітап?
– Бұл Бердібек Соқпақбаевтың "Менің атым – Қожа" кітабы ғой.
– Қызықты ма?
– Иә,өте қызықты.Мінеки, енді екінші рет оқып жатырмын.
– Керемет!Бізге де мұғаліміміз демалыста кітап оқыңдар деген.Осыны оқысам қайтеді?
– Әрине,мен саған кеңес беремін.Кітапта Қожаның бастан кешкен қызықты оқиғалары баян етіледі.
– Онда мен осы кітапты оқитын боламын.Сосын сенімен талқылайтын,жарай ма?
– Иә,сені күтемін!Сау бол!
– Сау бол!
Сәлеметсіз бе, Құрметті Ұлы Отан соғысының ардагері. Сұрапыл соғыстың аяқталғанына 9 мамыр күні 70 жыл толады. Ұлы Жеңіс күні құтты болсын! Отан алдындағы, келешек ұрпақ алдында жасаған ерлігіңізді, батылдығыңызды ақ жүректен жарылып шыққан шынайы, таза, ақжарқын алғыс сөздермен қалай жеткізсем деп ойлаймын.
Қанша алғыс айтсақ та, көп болмас еді. Біз әрқашанда сіздің ерлік, батырлығыңызды, неміс фашистерімен бетпе-бет келіп, тайсалмай шайқасқан күндеріңізді мақтан етеміз. Ол күндерді жадымызда сақтап, сізге бас иеміз. Осындай бейбіт өмір, тыныштық, молшылық, бізге сыйлаған бақытты балалық шақ, тек қана сіз және майдандастарыңыздың арқасында келген жеңіс. «Жеңіс! Жеңіс! Жеңіс!» - деп, ашық аспан астында қуанышымды айқайлап айтқым келеді. Ұлы Отан соғысына қатысқан Кеңес одағының батыры Мәншүк Мәметова, Әлия Молдағұлова, Бауыржан Момышұлы, Рақымжан Қошқарбаев, Қасым Қайсенов, Төлеген Тоқтаров, Нүркен Әбдіров.
Павлодарлық жерлестеріміз: Қанаш Камзин, Садықов Темірболат, Кепешев Мүбарәк, Сексенбаев Тәуекел, Құсайын Бүркітбаев т.б жеңіс күніне жеткізген аға, апа, аталарымызға басымызды иіп тағзым етеміз, мәңгілік от алауына гүл шоғырларын қоямыз. Ұрпақтың парызы – бұл күнді есте сақтау. Сіздердің арқалаларыңызда бейбітшілікте, Тәуелсіздікте бақытты өмір сүріп жатырмыз. Елімізде мәңгі бейбітшілік болсын, Елбасы жасасын, Еліміз жасасын!