Эссе
Сағаттың өзі ұры.
Уақыт - адам өмірінің өлшенбес қазынасы.Әр адамға ол дүние есігін жаңа ашқаннан қайтыс болғанға дейін белгілі бір сағаттар беріледі.Уақыт адаммен санаспайды.Және ол жылдам жүреді.Босқа өткен сағаттарыңды ешқашан да қайтара алмайсың.Адамның барлық істері үшін күн, сағат, минут қажет. Барлығы уақытпен анықталады - жұмыс істеу қаншалықты, тынығудың қаншасы, достармен кездескенде және үй шаруасын істеу кезінде.Сағат сіздің өміріңізді біртіндеп ұрлай береді.Сондықтан да,оның әр минутын қастерлеп,уақытыңды пайдалы өткізе білген жөн.Қазақтың бас ақыны Абай:
Сағаттың өзі ұры шықылдаған,
Өмірді білдірмеген, күнде ұрлаған.
Тиянақ жоқ, тұрлау жоқ, келді, кетті,
Қайта айналмас, бұрылмас бұлдыр заман…,-деп айтқан еді.Шынында да,сағат ешқашан тұрақтамайды,сені күтіп тұрмайды.Мысалы,ауруханада адам ауыр халде.Оның тірі қалуы үшін аз ғана минуттар керек.Оны құтқарға үлгермесе,уақыт оның өмірін "ұрлап" кетеді.Сағат деген "ұрлықшыға" төтеп беру үшін әр күніңді игілікпен,жаңа істермен өткізген жөн.Бүгініңмен өмір сүр.
Уақытпен дос бол дегім келеді.
Тіл – халықтың ең басты қазынасы. «Үштұғырлы тіл» туралы жобаны Елбасы Н.Ә.Назарбаев Қазақстан халқы ассамблеясының XII құрылтайында жария етіп, бұл мәдени жобаны кезең-кезеңмен іске асыруды ұсынды. Бұл қазақ, орыс және ағылшын халықтарына үш тілді бірдей пайдаланатын жоғары білімді мемлекет ретінде таныту болып табылады. Атап айтатын болсақ, қазақ тілін дамыту керек, яғни қазақ, орыс, ағылшын тілдерін жетік меңгерген ұрпақ қалыптастырып, бәсекеге қабілетті болу мақсатында мемлекетіміз аямай қаржы бөліп, түрлі іс-шаралар ұйымдастырып келеді.
8 сәуірде Өскемен қаласының мәдениет және тілдерді дамыту бөлімінің ұйымдастыруымен қазақ, ағылшын, орыс тілдерін жетік меңгерген жастар арасында «Тіл шебері» атты қалалық сайыс өткізілді. Сайысқа ШҚМТУ, ШҚМУ, ҚАЕУ, ШҚАУ және Шығыс Қазақстан Гуманитарлық колледж студенттері қатысты. Сайысқа қатысушылар өз білімдері мен өнерлерін ортаға салды.
Сайыстың мақсаты – қазақ, ағылшын, орыс тілдерін жетік меңгерген қабілетті жастарға қолдау көрсету, мемлекеттік тілдің қолдану мәртебесін арттыру, іскерлік және халықаралық қарым-қатынас құралы ретіндегі тілдерді жастардың меңгеру деңгейін анықтау, «тілдердің үштұғырлығы» мәдени жобасы мен көптілділікті насихаттау, қазақстандық рухани бірлікті нығайту.
Біздің университет атынан магистрант Злобин Бақыт Николаевич, тау-кен металлургия факультетінің 10-ЦМК-1 тобының 3-курс студенті Нәбиева Әйгерім Әлібекқызы, сәулет-құрылыс факультетінің 11-АРК-1 тобының 2-курс студенті Үркембаева Бақытгүл қатысты.
Сайыс талаптары бойынша қатысушылар төрт тур бойынша бақ сынасты. «Ұлттаным» тапсырмалары бойынша сайыскерлер қазақ елі тарихы мен ұлы тұлғалар жөніндегі сұрақтарға қазақ тілінде жауап берсе, «Мәдениеттаным» тапсырмалары бойынша қазақ халқының салт-дәстүрі, ділі мен тілі жөніндегі сұрақтарға орыс тілінде жауап берді. Ал «Елтаным», «Өнертаным» турларында қазақ елі, оның аймақтары жөнінде ағылшын тіліндегі тапсырмаларды орындап, сайыскерлер өздерінің тапқырлықтарын, ой-өрістерінің кеңдігін, өнерлі екендіктерін көрсете білді. Сонымен қатар қойылған сұрақтарға дәл, нақты жауап бере білді.
Бұл сайысқа студенттерді дайындауда қазақ, орыс тілдері және ісқағаздарын жүргізу кафедрасының ұжымы аямай тер төкті. Соның нәтижесінде біздің университет тағы да алға шықты. Әділқазылар алқасының шешімі бойынша төмендегідей жүлделі орындар анықталды. Бас жүлдені ШҚМТУ магистранты Злобин Бақыт, І орынды ҚАЕУ, ІІ орынды ШҚМУ, ІІІ орынды ШҚАУ иеленді.
Сайыс соңында қатысушыларға үш тілді меңгерудегі жетістіктері үшін бағалы сыйлықтар мен мақтау қағаздары, алғыс хаттар таратылды.