Менің арманымдағы мектеп.
Мен қаламыздағы іргелі оқу ордасы - №8 қазақ гимназиясында білім аламын. Биыл мектебіміздің жетпіс жылдық мерейтойы аталып өтеді. Елімізге танымал талай азаматтардың білім алған ордасында оқитынымды мақтан тұтамын, дегенмен мектепке соңғы жылдары жөндеу жұмыстары жүргізілген жоқ.
Мені «арманымдағы мектеп қандай болар еді?» деген сұрақ жиі мазалайды. Білім алып жүрген алтын ұя мектебіме күрделі жөндеу жұмыстары жүргізіліп, арманымдағы мектепке айналса, нұр үстіне нұр болар еді.
Сонымен менің арманымдағы мектеп үш қабатты, өте кең, сыныптары жарық, соңғы техникамен жабдықталған болғанын қалар едім. Мектеп дәліздері де кең әрі ұзын болғанын қалаймын. Арманымдағы мектептің бірінші қабатында тренажерлармен жабдықталған үлкен спорт залы мен бассейн және түрлі жиын өткізетін, әр түрлі музыкалық аспаптармен жабдықталған акт залы болады. Сонымен қатар, бірінші қабатта кітапхана болады. Кітапхана екі бөлімнен тұрып, бірінде орындықтардың орнына ыңғайлы креслолар мен түрлі жанрдағы кітаптар болса, екінші бөлімінде жылдам Интернет желісіне қосылған заманауи компьютер мен қажетті қазғаздарды шығарып, көшірме түсіріп алатын көпфункционалды құрылғылар, сөрелерде қажетті кеңсе тауарлары болады.
Екінші және үшінші қабатта оқу сыныптары болады. Әрбір сыныпта интербелсенді тақта, маркермен жазатын тақта, әрбір оқушының өзінің жеке үстелі болады.
Тегін асхана екінші қабатта орналасады. Онда күнделікті дәмді тағамдар әзірленіп, барлық оқушылар тегін тамақтанатын болады.
Тағы бір арманым – әрбір оқушының жеке заттарын сақтау үшін кішкене шкафы болады. Үй тапсырмасы мектепте жасалып, сабақ сағат үште аяқталатын болады. Сабақ біткен соң оқушылардың тұратын ықшам аудандарына сәйкес, бес автобус үйге жеткізіп салатын болады.
Ұлағатты сөздер:
1) Кімде - кім халқынан алмаса тәлім,
Оны үйрете алмас ешбір мұғалім.
Ж. Баласағұн.
Жалпы есімдер: халық, тәлім, мұғалім.
2) Тіл — жұрттың жаны. Тілінен айырылған жұрт — жойылған жұрт.
Халел Досмұхамедұлы.
Жалпы есімдер: тіл, жұрт, жан.
3) Сөз сайыста жеңілген де бір – тілі кесілген де бір.
Тоқсары.
Жалпы есімдер: сөз, сайыс, тіл.
Сөйлемдер:
Халқының қамын ойлап өскен ұрпаққа не жетсін!
Мына әңгіменің берер тәлімі мол екен.
Мұғалімнің айтқан әр сөзі менің есімде еді.
Қандай тілдерді үйренгің келеді?
Жұрттың бәрі қазір Алмажанның үйінде.
Жаны кіршіксіз таза адам болды.
Екі сөздің басын қоса алмаған деген масқара ғой!
Бұл сайысқа шынығам деп қатыстым.
Тілінің көркемін қара!