Ұлы Жібек жолы Мәтіннің негізгі бөлімі не туралы? – Данияр, сен Ұлы Жібек жолы туралы білесің бе? – Мен Ұлы Жібек жолы туралы көп ақпарат білемін. Қажет болса, сенімен бөлісе аламын. – Бәрекелді! Маған Ұлы Жібек жолы туралы реферат жазу тапсырылды. «Ұлы Жібек жолы» деген атау қалай пайда болған? – Ұлы Жібек жолының пайда болу тарихы жібек саудасына байланысты. Ал «Ұлы» сөзінің оған қосылуы Шығыс өлкелері мен Батыс өлкелерін байланыстыруынан. Сондықтан бұл жол «Ұлы Жібек жолы» деп аталды. – Шіркін, тарихқа үңілген сайын қызыға түсетінің рас. Ұлы жібек жолының бойында қандай қалалар болған? – Ұлы Жібек жолының бойында Қызылорда, Отырар, Шымкент Тараз, Ферғана қалалары болған. – Қап, Ұлы Жібек жолының саудадағы маңыздылығы туралы ғана жазуға болады екен. – Жә, Ұлы Жібек жолы дамыған елдердің саудамен айналысуына, ғылымның дамуына, дін мен мәдениеттің қалыптасуына да ықпал етті. – Мен енді сабаққа дайынмын. Данияр, саған көп рақмет! Оқушы Даниярдан көп ақпарат алып, алғыс білдіреді. Оқушы досынан Ұлы Жібек жолы туралы ақпарат сұрайды. Данияр досынан көмек сұрайды. Данияр досына Ұлы Жібек жолы туралы айтып береді.
Төле Әлібекұлы (1663 – 1756) – қазақтың қоғам қайраткері, шешен, Ұлы жүздің бас биі, Қазыбек, Айтеке бидің қолдауымен үш жүзге төбе би болып сайланған. Артында "бүтін билікке Төле би жеткен" деген сөз қалған тарихи тұлға. "Жеті жарғыны" жасаушылардың бірі. Әлібекұлы Төле бидің атасы Құдайберді би Есім хан мен Тұрсын хан егесі кезінде Есім ханды қолдаған (Қазыбек бек Тауасарұлының "Түп-тұқияннан өзіме дейін" кітабынан). Яғни Есім хан тұсындағы, халық аузында "Есім ханның ескі жолы" атанып кеткен қазақ халқының заңдар жинағын құрастыруға қатысқан билердің бірі деп айтуға толық негіз бар. Өз заманында Қазақ хандығының тұтастығы үшін күрескен қайраткер! Төле би өз халқының шешендік-поэтикалық өнерінің дәстүрлерін жастайынан бойына сіңіріп өскен, зерделі, сауатты адам болған. 15-20 жасынан билердің бас қосқан жиналысына қатысып, өзінің әділдігі мен шешендік өнері арқасында таныла бастайды.