Менің колледжім туралы.
Мен тоғызыншы сыныпты бітіргеннен кейін қаламыздағы гуманитарлық – педагогтік колледжге бастауыш сынып мұғалімі мамандығына оқуға түстім. Біздің колледж қаладағы орта кәсіптік білім беретін оқу орындарының ішінде алдыңғы қатарда, себебі оқытушылар құрамы тек білікті мамандардан құралған. Колледжімізде оқу үрдісі соңғы заманауи білім беру талаптарына толығымен сәйкес келеді. Сонымен қатар айта кететін жайт, колледжге түсу үшін арнайы емтихан тапсырып, оның қорытындылары бойынша екінші кезеңде таңдаған мамандық бойынша сұрақтарға жауап беру керек. Мен ақысыз бөлімде білім алып, ай сайын шәкіртақы алып тұрамын.
Колледжде оқу үрдісімен қатар тәрбиелік жұмыстар да қатар жүргізіледі. Осы орайды мерекелер қарсаңында түрлі іс – шаралар ұйымдастырылып, бос уақытымыз қызықты өтеді.
Колледж орта кәсіптік білім беретін оқу орны болғандықтан бірінші курстан кейін бізді мамандық бойынша іс - тәжірибелерге жіберіп, таңдаған мамандығымыздың қыр – сырын білуге көмектеседі. Сонымен қатар бұл тәжірибелер барысында группаластар бір – бірімізге барынша көмектесуге тырысып, достығымыз нығая түседі.
Мен осы колледжді таңғаныма еш өкінбеймін. Болашақта оқытушыларыма ұқсап, білімімді одан әрі жалғастырып, білікті маман иесі болғанды армандаймын.
