1 тапсырма.
1. Қолдан жасалған бағалы бұйымдар қандай көрмеде туристер назарына ұсынылмақ?
2. Қазақстан қолөнершілер одағының төрайымы кім?
2 тапсырма.
Соңғы кездері ұмыт болып бара жатқан қолөнер бұйымдарын жасауды қайта жаңғырту.
3 тапсырма.
Қазақтың ұлттық қолөнерін қайта жаңғыртудың тиімді жолдары.
Қай халықтың болмасын сан ғасырдан бері келе жатқан ұлттық мұрасы мен рухани қазынасы ұлттық нақыштағы өзіндік қолөнері болады. Халық шеберлері мен ұсталары ұлттық қолөнер бұйымдары арқылы халқымыздың дәстүрі мен тұрмыс – тіршілігін көрсете білген.
Халқымыздың ою, тігу, құрастыру, тоқу, мүсіндеу, бейнелеу сияқты ұлттық қолөнер түрлері бар. Бұлар сан ғасырлық тарихы бар, дегенмен қазіргі заман ағымына сай кейбір өзгерістерге ұшырап келе жатқан қолөнер түрлері.
Нақты қолөнер туындыларына тоқтала кетер болсақ, ұсталар: найза, қылыш, айбалта, семсер сияқты қару-жарақ түрлерін әзірлеген. Ал ағаш шеберлері киіз үйдің сүйегінен бастап, үй мүліктері: сандық, кебеже, асадал, тостаған, ожау, астау және музыка аспаптары: домбыра, қобыз, шертер, т.б. даярлаған. Зергерлер сәндік әшекейлік бұйымдар: сырға, білезік, алқа, өңіржиек, бойтұмар, шашбау, т.б. жасаған. Ісмерлер тоқыма, киіз басу, киім тігу өнерін дамытқан.
Бүгінгі ғылым мен техниканың дамыған заманында ұлттық қолөнеріміз жас ұрпақ үшін қалыс болып бара жатқаны бәрімізге аян. Ұлттық болмысымызды жоғалтпай, ұлттық қазынамызды сақтап қалуды Елбасымыздың өзі «Қазақстан – 2030» мәдени мұра бағдарламасын стратегиясында алға міндет етіп қойған болатын. Сондықтан ұмыт болып бара жатқан қолөнерімізді қолға алып, одан әрі дамытып, кәдемізге жарату керек деп ойлаймын. Қазіргі кезде егеменді елімізде бізге жастарға әсемдік тәрбие беруде ерте заманның мәдени мұрасы айрықша қызмет атқарады. Сондықтан ұлттық қолөнерді қайта жаңғыртудың бірден – бір жолы сынып сағаттарына ақ жаулықты апа – әжелерімізді шақырып, олардың өсиетімен қоса, өнерін де бойымызға сіңіру керек деп ойлаймын. Сонымен қатар ұлттық қолөнер бұйымдарымен айналысатын шеберлерімізге барынша қолдау көрсетіп, халық арасында кеңінен насихаттау керек. Осылайша біз ұлттық қолөнердің таралуына себепші бола аламыз.
1.Шетелдік қонақтарды ЭКСПО-2017 көрмесінде қандай бұйымдар қызықтырды?
2.Ұлттық қолөнерді дамыту үшін қандай жұмыстар атқарылуда?
Мәтіндегі негізгі мәселе-ұлттық қолөнерді дамыту,жаңғырту мақсатында қандай шаралар жасалып жатқандығы жөнінде.
Эссе: "Ұлттық қолөнерді жаңғыртудың тиімді жолдары қандай?"
Қазақ халқында қолөнері ерте кезден -ақ дамыған.Ол-біздің ұлттық мәдениетіміздің бір бөлігі десе болады.Егер қолөнеріне мән берілмесе,мәдениетіміз де дағдарысқа ұшырайды.Сол үшін қолөнерді жаңғыртудың маңызы зор. Ал оны қалай неден бастау керек? "Ел іші-өнер кеніші" деген қазақ халқының мақалы бар.Осы елді мекендердегі қолөнер шеберлерін тауып,олардың өнерін насихаттап, олардан сабақ алуымыз керек. Қолөнер шеберлерінің қолынан шыққан бұйымдардан көрме жасап жұртшылық назарына ұсыну керек.Тіпті "Ұлттық қолөнер мектебі" курстарын ашса да артық болмас еді. Осы курстарды бітірген шеберлер мектепте технология пәнінен сабақта балаларды қолөнеріне үйретсе нұр үстіне нұр болар еді. Мектепте арнайы қолөнер үйірмелері тұрақты жұмыс жасаса,оқушылардың бос уақыты пайдалы өткен болар еді. Мәселен,теріден,жүннен бұйымдар жасау-өте қызықты іс. Сол сияқты зергерлік өнер де әсемдікке,өнерге баулиды.Мектепте зергерлікті үйренген бала, еңбекке өнерге қызығушылығы артады. Ұлттық қолөнер бұйымдар байқауы жиі өткізіліп,жеңімпаздар марапатталса ол да бір өнерді өрге сүйрейді деп сенемін.
Объяснение:
Өмір- сенің сарқылмайтын дастаның»- демекші, жасөспірімдерге өмірдің мәнін, құндылығын түсіндіру мақсатында Еңбекші орта мектебінде «Мен өмірді сүйемін» атты психологиялық апталық өтті. Оған ұстаздар мен оқушылар да қызығушылық танытты. Жасөспірімдер арасында келеңсіз оқиғалардың алдын-алу, өмірге деген құлшыныстарын арттыруды мақсат еткен мектеп психологы Н. Букилова «Өмір сүрудің мәні» деген тақырыппен психологиялық сабақ өткізді. Сондай-ақ «Өмір балалар көзімен » тақырыбында жас суретшілер көрмесі ұйымдастырылып, жақсы сурет салған А. Төлеубекова, Д. Тайкин, Е. Қажыкен, Б. Болат, Е. Қажыкен, Д.Дәулетова, Б. Әлімбек, Нұрбол Тұрсынов және басқа балалар мақтау қағазымен, сыйлықтармен марапатталды.
Оқушылардың өмірге деген құштарлықтарын, қызығушылық-тарын ояту, тіршіліктің мәні туралы ой - пікірлерін, өмірді қадірлей, бағалай білуге тәрбиелеу мақсатында мектеп дәлізіне «Өмір ағашы» орнатылды. Оған 7-11 сыныптықтар өздерінің өмір туралы шығарған өлеңдерін, тілектерін жазып ілді. Д. Дәулетова, А.Сарқытов, Қ.Ануарбеков сияқты оқушылар өмір деген Алланың берген сыйы екендігін өлең жолдарымен жақсы жеткізе білді. Жоғарғы сыныптықтармен психологиялық тренинг өткізіліп, балалардың жан-жақты қалыптасуына бағыт-бағдар берілді. 5-11 сынып оқушыларымен «Спорт және мен» деген тақырыпта жасөспірімдердің бос уақытын тиімді пайдалануға дағдыландыру, салауатты өмір салтын сақтауға үйрету мақсатымен «Көңілді эстафета» спорттық жарысы өтті. Оны мектептің дене шынықтыру пәнінің мұғалімі М. Нұртаев ұйымдастырды. Оған екі команда қатысты. І орынды «Бүркіт» командасы еншіледі. Апталықты қорытындылаған мектептің педагог-ұйымдастырушысы Г. Төлеубекова слайд арқылы «Өмірде не қымбат?» деген тақырыпта пікірталас өткізді. Оған 6-11 сыныптың оқушылары қатысты. Өмір туралы пікірлерін Е. Құдайбергенов, А. Нұрланова, Т. Тұрлынова, А. Садуақасова, Ә. Саятовалар нақты түйіндеді. Адам жарық дүниеге келген соң өмірін қалай болса солай өткізбеуі тиіс. Сондықтан қолда барды бағалай білейік!
А. ШАРАХМЕТОВА,
Еңбекші орта мектебі директорының тәрбие
ісі жөніндегі орынбасары.