ответ:Оқу - білім азығы, Білім – ырыс қазығы. *** Білім басы - бейнет, соңы - зейнет. *** Оқығаныңды айтпа, тоқығаныңды айт. *** Білімдіге дүние жарық. Білімсіздің күні ғаріп. *** Көзі жоқ, құлағы саудың Ақылы толады. Құлағы жоқ, көзі саудың Ақылы солады. *** Өмір - үлкен мектеп. *** Өмірдің өзі - ұлы ұстаз. *** Жердің сәні - егін, Ердің сәні - білім. *** Жер - ырыстың кіндігі, Білім - ырыстың тізгіні. *** Білімді бесіктен тесікке дейін ізден. *** Өнер - ағып жатқан бұлақ, Ілім - жанып тұрған шырақ. *** Білімді өлсе, Қағазда аты қалар. Ұста өлсе, Істеген заты қалар. *** Кітап - алтын қазына. *** Көп жасаған білмейді, көп көрген біледі. *** Тіліңмен жүгірме, біліммен жүгір. *** Көргенсіз дегенге кек тұтпа, Көргеніңнен көрмегенің көп. *** Ғылым - теңіз, білім - қайық. *** Алтын алма, білім ал. *** Ұстаздан шәкірт озар. *** Оқымаған бір бала, Оқыса екі бала. *** Жеті жұрттың тілін біл, Жеті түрлі білім біл. *** Әліппенің ар жағы - білім бағы. *** Ғылыммен жақын болсаң , қолың жетер, Залыммен жақын болсаң, басың кетер. *** Шәкіртсіз ұста - тұл. *** Ұстазыңды ұлы әкеңдей сыйла. *** Кітап-ғылым - тілсіз мұғалім. *** Білімі жоқ ұл - жұпары жоқ гүл. *** Мың малың болғанша, бір балаң ғалым болсын. *** Наданмен дос болғанша, Кітаппен дос бол.
Толығырақ: https://massaget.kz/maal-mtelder-zhayltpashtar/957
Материалды көшіріп басқанда Massaget.kz сайтына гиперсілтеме міндетті түрде қойылуы тиіс. Авторлық құқықты сақтаңыз
Объяснение:
Менің болашағым өз қолымда
Қазақстанның болашағы қазіргі жастардың қолында. Оны Елбасымыз өз жолдауында анық айтып көрсетті. Біздің Отанымыз жаңа даму кезеңіне аяқ басты.
Ел Президенті Нұрсұлтан Назарбаевтың биылғы Жолдауының мәні де, маңызы да бөлек. Бұл Жолдау ел дамуының белгілі бір асуын бағындырып, келесі асуға бет алуын көрсеткендей әсер қалдырды. Елбасы даму көкжиегімізді 2050 жылға дейін ұзартып отыр. Ел Үкіметі мен халықтың алдына нақты міндеттер қойды.
Мен өз арманымды ел арманымен ұштастырамын. Қай елдің болмысын қоғамдағы басты қаруы дін мен тіл. Ата-бабамыздан келе жатқан ұлағатты сөз бар: «Жаным-арманымның садағасы», яғни үлкен адамгершілік, шындық, ар-ұят жаннанда жоғары. Ал рухы биік ұрпақ –елдің нық тұрған тірегі іспетті. Тілсіз ел болмайды. Тіл құрыса, ел де, бүкіл ұлт та құриды. Ана тілін болашаққа қаймағын бұзбай апару менің қолымда. Мен өзім ана тілім- қазақ тілінде жүйелі, көркем сөйлегенді ұнатамын. Келешекте сол тілді келер ұрпаққа насихаттаймын. Сөйтіп, рухы биік, тілін қадір тұтатын ұрпақ тәрбиесін жалғастырғым келеді. Ұрпақ тәрбиесі өте күрделі мәселе. Жақсы тәрбиеленген, терең білім алған ұрпақ қана тәуелсіз Қазақстанды бүкіл әлемге таныта алады. Қазақ жері- кенге бай, бірнеше ұрпағына жетер мұнай қоры бар, табиғаты әсем өлке. Сол игіліктерді өз мақсатымызға қолдану үшін орынды игере білетін, төкпей-шашпай ел игілігіне жұмсайтын, білікті маман болуымыз керек. Әрбір іс-әрекетті бұның соңы қалай болады деп үлкен жауапкершілікпен істеу керек. Сонда барып әр іс өз нәтижесін беріп, аяғы да жақсы болар еді.