Қазіргі заман , адамдардың айтуы бойынша ең дамыған уақыт. Жәнеде көп ғалымдар өздерінің ойлап тапқан техникалары мен мәз - мейрам болып жүр , бірақ оның зияны бар екен ау дейтін адам жоқ. Біз қазіргі күні қарап тұрсақ көп ауырымыз , имунитетіміз әлсіз , неге олай деуіңіз мүмкін . Міне енді қараңыз . Біздің ата- бабаларымыз бізге қарағанда дұрыс өмір сүрген. Себебі олар зиянды әрекеттен сақ болған , және ғұламалардың барлығы білім іздесе Кітапхана барып кітап оқыған. Және дәл осы кітап пен болған білім , оларды нағыз ғұлама етіп шығарған. Ал қазірше , адамдар ғаламторға телміріп білім іздейтін болыпты. Мен сіздерге айтайын , ғаламтор мен кітаптың жөні бір бөлек нәрсе. Мысалы сен кітаптан ізденесің , өзіңе керек нәрсені көп уақыт бойы іздеп табасың , ал ғаламторда , бір екі рет интернет көмегіне айтсаң бәрін тауып береді. Ал енді мына қызыққа қараңыз , кітаптан ізденіп тапқан адам , ол нәрсені өмір бойы жадында сақтайды екен , ал ғаламтордан оңай тапқан адам , оны керек кезінде ғана есінде сақтап , кейін біржолата ұмытады екен. Содан да болар біздің көп ғұлама ғалымдарымыз ежелгі заман адамдары. Себебі олар кітапқа үңілгенді жақсы көрген. Бізде неге солар сияқты кітап бетін ашып оқымасқа , сонда біліміміз кеңейіп , оны жадымызда сақтап , керегімізге де жаратар едік.
Енді бір ойланып көру керек. Маған кітап пайдалы ма екен , әлде ғаламтор ма ?! Жауап нақты , әрине кітап. Ғаламтор тек сенің уақытша қажетіңді өтейтін құрал ғана , ал кітап сенің өмірлік досың. Сол себепті біз ғаламтор мен дос болмай , кітаппен дос болсақ , біздің қазақ елі нұрланып , зиялы қауым болады деген үміттемін.
Денсаулық – біздің жалғыз ғана асыл дүниеміз. Денсаулықты ақшаға сата да алмаймыз, сатып та ала алмаймыз. Себебі ақша байлық емес, ең басты байлық-денсаулық. Денсаулығымызды сақтамасақ, күтпесек, оны құртып алуымыз мүмкін. Ал ауырып ем іздегеннен гөрі, ауырмайтын жол іздеу жеңілірек болары айтпасақ та түсінікті
Денсаулықты сақтау үшін пайдалы, адам өміріне зиянын тигізбейтін тағамдарды тұтыну, спортпен шұғылдану қажет, жақсы ұйықтап, таза ауамен демалған да өте пайдалы. Адам денесінің көп бөлігі судан тұрады. Сондықтан күніне кем дегенде бір-екі литр су ішу керек. Адамдар ауырып қалса, дәрігерге бармай, өз беттерімен емделеді. Бұл дұрыс емес. Себебі біз ауырып тұрған жерімізді емдеп, басқа ағзаға зиян келтіруіміз мүмкін. Сол себептен ауырып қалған жағдайда дәрігерге барып, дұрыстап тексеріліп, жазып берген дәрісін ішкен жөн.
Денсаулыққа өте қатты зиянын тигізетін ішімдік, шылым және т.б. сол сияқты зиянды заттар жетерлік. Бұндай заттарды мүлде пайдаланбау керек. Майлы, газдалған, қуырылған тағамдарды, жартылай дайын өнімдерді, қантты аз мөлшерде тұтынған жөн. Олардың орнына сүттен, балықтан, еттен жасалған табиғи әрі пайдалы өнімдерді, жеміс-жидекті, көкеністі көптеп жеген дұрыс.
«Дені саудың жаны сау» деген ата-бабаларымыз. Әрбір адам күніне шамамен сегіз сағат ұйықтауы керек. Сонда адам күні бойы көңілді, сергек болып жүреді. Спортпен шұғылдану, жеке бас тазалығын да ұмытпаған жөн. Спортпен шұғылдансаң, денең ширақ болады, өз-өзіңді сергек, жеңіл сезінесің. Ал бұндай көңіл-күйдің адам денсаулыңы үшін маңызы аз емес. Жеке бас тазалығына келер болсақ, таза жүрген адам көптеген жұқпалы ауруларды жұқтыру қаупінен ада болады. Халқымыз «Тазалық – саулық негізі» деп бекер айтпаса керек.
Денсаулық екіге бөлінеді: біріншісі физикалық денсаулық, екіншісі психикалық денсаулық. Психикалық денсаулық дегеніміз – адамның көңіл-күйі. Айналадағы болып жатқан өзгерістер адамның көңіл-күйіне әсер етеді. Адамдардың саған деген көзқарасы, көпшіліктің арасында өзіңді қалай сезінуің сенің жан саулығыңа әсер етеді. Экология да денсаулыққа зиянын тигізуі мүмкін. Ауа ластанған болса, өкпеге кесірін тигізеді. Радияциясы көп жерлерде балалар қандай да бір аурумен дүниеге келеді. Әл-Фараби атамыздың денсаулық жайлы айтқан нақыл сөзі: «Адамның денесінің жетілуі – оның денсаулығы: егер денің сау болса, онда оны сақтамақ керек, ал егер сау болмаса, онда денді сауықтыру керек» деген. Бұл біздің өмірлік ұстанымымыз болу керек.
Қорытындылай келе, деннің сау болуы да, болмауы да әркімнің өзіне байланысты. Себебі күнделікті қандай тағам тұтынатынымызды, немен шұғылданатынымызды, адамдармен қандай қарым-қатынаста болатынымыз өз еркімізде. Әр адамның денсаулығы өз қолында!
