Достық туралы мақал - мәтелдер
- Дос - ажарың, жолдас - базарың.
* * *
- Алыстағы досыңа ат берсең де жарасар - үйіне мініп барсын деп.
Жақындағы досыңа хат берсең де жарасар - ұмытса есіне алсын деп.
* * *
- Жолдасың көп болса,
Жалғызбын деме.
* * *
- Дос сыртыңнан мақтар, дұшпан көзіңе мақтар.
* * *
- Жаңа досың жаныңда болса, ескі досың есіңде болсын.
Ол әрқашанда сенімді.
* * *
- Досың дос болғанға шаттан,
Дұшпанмен дос болудан сақтан.
* * *
- Дос ы көпті жау алмайды, ақылы көпті дау алмайды.
* * *
- Жаман жолдастан таяғым артық.
* * *
- Күлме досыңа – келер басыңа.
* * *
- Досы көппен сыйлас,
Досы азбен сырлас.
* * *
- Заттың жаңасы жақсы,
Достың ескісі жақсы.
* * *
- Жақсымен жолдас болсаң – жетерсің мұратқа.
Жаманмен жолдас болсаң - қаларсың ұятқа.
Сыйластық туралы мақал – мәтелдер.
Сыйға - сый, сыраға - бал.
* * *
Сый қылсаң, сыпыра қыл.
* * *
Сыйласқанның суын іш.
* * *
Екі кісі сыйласса,
Бір кісіге орын бар.
* * *
Ерді асы үшін сыйлама,
Басы үшін сыйла.
* * *
Сынасуға жараған сыйласуға да жарайды.
Туыстық туралы мақал - мәтелдер.
Туманың бәрі туысқандай болмас,
Тұрманның бәрі құйысқандай болмас.
***
Туысы көбейсе үйір көп,
Досы көбейсе мейір көп.
***
Туысқаннан қиысқан жақын.
***
Туысқаны аз елдің ерлігі зая,
Тілеуқоры жоқ ердің еңбегі зая.
***
Туыстың жаманы
Өзі бола алмайды,
Болғанды көре алмайды.
***
Туыстың қолындағысын білгенмен,
Ойындағысын білмейсің.
***
Туысы бірдің - уысы бір.
***
Туысы бір түртпейді,
Түбі бір кетпейді.
***
Туысы жақын жақын емес,
Қонысы жақын - жақын.
***
Туысы жаманды ел ішінен жау шабады,
Тоны жаманды түйе үстінен ит қабады.
Шыға алмай тұрғанда, бір ешкі су іздеп жүріп, әлгі апанға кез болып,түлкіні көреді.
- Ей, түлкі батыр, не қылып тұрсың? – депті.
- Ой, не қыласың, жаным жай тауып тұр. Қырда әрі сусап, әрі ыстықтап өліп едім. Апанның іші әрі салқын, әрі түбінде тұп тұнық суы бар екен, – депті түлкі.
Мұны естіп ешкі: «Мен де салқындайын, әрі су ішейін», – деп ойлап, секіріп апанға түсіпті. Сонда түлкі секіріп ешкінің үстіне мініп, онан мүйізіне табан тірепті де, ырғып далаға шығып, жөніне кетіпті.
«Өтірікке алданба, басың бәлеге душар болар» деген сөз осыдан қалыпты.